ជីវិតកម្សាន្ដ

បវរកញ្ញា ហួន ស្រីខួច តស៊ូរហូតជោគជ័យ និយាយអួលដើម.ក ពេលគ្រងមកុដលំដាប់រងទី ៣

បានផុស

២ years មុន

នៅ

ថ្ងៃព្រហស្បតិ៍ ៦ មេសា ២០២៣

ដោយ

ដោយមើលឃើញការតស៊ូ និងការខិតខំប្រឹងប្រែងរបស់បវរកញ្ញា ហួន ស្រីខួច បានធ្វើឲ្យមហាជន និងអ្នកគាំទ្រ លើកទឹកចិត្តឲ្យបវរកញ្ញាវៃឆ្លាតរូបនេះ មានទឹកចិត្តពុះពារយកបទពិសោធន៍ដែលមាន មកប្រកួតម្តងហើយម្តងទៀត រហូតទទួលបានលទ្ធផលនៅក្នុងវិស័យបវរកញ្ញាគួរជាទីមោទកភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ កញ្ញា ហួន ស្រីខួច បានធ្វើឲ្យក្តីស្រមៃរបស់ខ្លួននៅលើវិស័យបវរកញ្ញាសម្រេចបានលទ្ធផលល្អប្រសើរមួយកម្រិតទៀតហើយ ដោយនាងប្រើសមត្ថភាពដើម្បីប្រកួតរហូតទទួលបានជ័យជំនះ។ នេះជាគំរូមួយដល់បេក្ខភាពផ្សេងទៀតដែលមានចិត្តស្រឡាញ់វិស័យបវរកញ្ញា ហើយចង់ប្រឡងយកជយលាភី។

ក្នុងការប្រកួតយ៉ាងស្វិតស្វាញ ស្រីស្អាត ហួន ស្រីខួច គឺសម្រេចជោគជ័យ ដោយបានចូលដល់កំពូល Top ទាំង ៥Miss Supranational Cambodia 2023 ហើយបានជាប់ចំណាត់ថ្នាក់លំដាប់រងទី ៣ ធ្វើឲ្យអ្នកទស្សនា និងអ្នកគាំទ្រ បង្ហាញការអបអរសាទរចំពោះនាងផងដែរ។ ហួន ស្រីខួច ដែលឆ្លងកាត់បទពិសោធន៍វេទិកាប្រកួតបវរកញ្ញាច្រើនលើក និងច្រើនកម្មវិធីហើយ នាងយល់ច្បាស់ថា ការទទួលលទ្ធផលល្អ មិនមែនបានមកដោយភាពងាយស្រួលនោះទេ បើសិនជាគ្មានចិត្តតស៊ូ ឬខិតខំប្រឹងប្រែងខ្ពស់។

តួយ៉ាងអំឡុងពេលទទួលបានមកុដ ហួន ស្រីខួច បង្ហាញអារម្មណ៍ក្ដុកក្ដួល និងរំភើបរលីងរលោងទឹកភ្នែក ខណៈអ្នកនាង ប្រាសាទ ដាវីន បានឡើងបំពាក់មកុដលំដាប់រងទី ៣ ពិតជាកិត្តិយស ទោះមិនមែនជាតួឯកធំ តែនាងអាចយកឈ្នះបានកម្រិតល្អពេលនេះ គឺមិនងាយនោះទេ។ សូមជម្រាបដែរថា ហួន ស្រីខួច បានសាងការចាប់អារម្មណ៍ ដោយសារវគ្គសំខាន់ៗ នាងបានឆ្លើយជាសំនួរបែបភាសាអង់គ្លេស ហើយមានការសរសើរថា នាងនិយាយបានល្អ៕

អត្ថបទ ៖ ចាន់រ៉ា