ជីវិតកម្សាន្ដ

បទចម្រៀងទោលដំបូង “LALISA” ទាក់ចិត្តអ្នកទស្សនាដល់ទៅ ៦០០ លានដងត្រឹមពេល ៥៧៣ ថ្ងៃ

បានផុស

២ years មុន

នៅ

ថ្ងៃសុក្រ ៧ មេសា ២០២៣

ដោយ

គិតត្រឹមថ្ងៃទី ០៧ ខែមេសា (KSTពេលវេលានៅកូរ៉េ) វីដេអូចម្រៀងទោលដំបូងរបស់នាង “LALISA” មានអ្នកចូលមើលលើសពី ៦០០លានដងនៅលើ YouTube ដែលធ្វើឲ្យវាក្លាយជាវីដេអូតន្ត្រីលឿនបំផុត ដោយសិល្បករទោល K-pop។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ កាលពីមុន Lisa ទទួលបានពិន្ទុ ៦០០ លានជាមួយនឹងវីដេអូសម្តែងរបស់នាងក្នុងបទចម្រៀង “MONEY” ប៉ុន្តែ “LALISA” គឺជាវីដេអូចម្រៀងផ្លូវការដំបូងរបស់នាង ដែលឈានដល់ដំណាក់កាលនោះ។ ហើយវាក៏ចាត់ទុកថាជាបទដែលសមាជិកក្រុមចម្រៀង BLACKPINK ទទួលបានជោគជ័យខ្លាំងហួសពីការរំពឹងទុកផងដែរ។

LALISA ក៏បានទាក់ទាញអ្នកគាំទ្រទូទាំងពិភពលោកឲ្យចូលទស្សនាមិនជិនណាយ ដោយសារតែកាយវិការដ៏រស់រវើករបស់ Lisa នៅក្នុង MV ដែលនាងសម្ដែង។ ជាពិសេសនេះជាសមិទ្ធផលដ៏ល្អមួយសម្រាប់នាងនិងក្រុមទាំងមូលដែលត្រូវបានគេចាត់ទុកថា ជាតារាលំដាប់ពិភពលោកនាបច្ចុប្បន្ននេះមិនខុសនោះទេ។

សូមបញ្ជាក់ដែរថា Lisa បានចេញវីដេអូចម្រៀង “LALISA” នៅថ្ងៃទី ១០ ខែកញ្ញា ឆ្នាំ ២០២១ វេលាម៉ោង ១:០០ PM (KST ម៉ោងនៅកូរ៉េ) ។ នេះមានន័យថាបទចម្រៀងដ៏វិសេសនេះ ប្រើពេលត្រឹមតែ ៥៧៣ ថ្ងៃប៉ុណ្ណោះដើម្បីទទួលបានការចូលមើល ៦០០ លានដង៕