ជីវិតកម្សាន្ដ

ប៊ុត សីហា ត្រូវបុរសម្នាក់ប្រកាសព្រមានឲ្យចូលខ្លួនសងលុយ

បានផុស

២ years មុន

នៅ

ថ្ងៃសុក្រ ៧ មេសា ២០២៣

ដោយ

ជារឿងភ្ញាក់ផ្អើលថ្មីទៀតហើយ សម្រាប់តារាចម្រៀងសម្បូររឿងអាស្រូវមិនចេះលស់ពេល លោក ប៊ុត សីហា ខណៈមុននេះ មានបុរសម្នាក់បានចេញមុខប្រកាសជាសាធារណៈ ដើម្បីឲ្យតារារូបនេះ ចូលខ្លួនដោះស្រាយរឿងបំណុល បើមិនដូច្នោះទេ អាចប្រឈមផ្លូវច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមប្រភពពីម្ចាស់គណនីហ្វេសប៊ុកដែលមានឈ្មោះ Bondcher Buth បានបញ្ជាក់ឲ្យដឹងថា ប្ដីប្រពន្ធ សីហា ប៊ុត មើលឆាតមិនខ្ចីតប Ok បន្តិចទៀតដឹងគ្នាហើយ។ ប្រភពបានលើកឡើងថា មនុស្សខ្ញុំមិនដែលធ្វើអ្វីខុសច្បាប់ ឬរំលងកិច្ចសន្យាទេ តែខាង ប៊ុត សីហា ឯង បំពានមុន,១.ពីបទ ឆបោក ,២.បោកប្រាស់ទំនុកចិត្ត។

ម្ចាស់ហ្វេសប៊ុកដដែលបានព្រមានទៀតថា ខ្ញុំប្រកាសប្រាប់ សីហា ប៊ុត ឯង ឲ្យហើយ បើសងលុយខ្ញុំអស់ បញ្ហាគឺចប់ តែបើនៅធ្វើផ្គើន ជីវិតឯងរស់បែបរត់គេចអ៊ីចឹងរហូត ហើយសិល្បៈរៀបឡើងវិញហើយ បើចង់លក់ផ្លូវ លក់អនាគតត្រឹមលុយប៉ុណ្ណឹង សាកទៅ។ ប្រភពបន្ថែមថា សីហា ប៊ុត ចូលខ្លួនសងតាមសម្រួល ឬតាមច្បាប់។

ទាក់ទងដំណឹងដ៏រសើបខាងលើនេះ មិនទាន់មានប្រតិកម្មឆ្លើយតបពីតារាចម្រៀងលោក ប៊ុត សីហា នៅឡើយទេ។ នៅព្រឹកថ្ងៃទី ០៧ ខែមេសា ឆ្នាំ ២០២៣ នេះ កម្ពុជាថ្មី មិនទាន់អាចទំនាក់ទំនង ដើម្បីស្វែងរកការបំភ្លឺពីតារាចម្រៀងលោក ប៊ុត សីហា ជុំវិញព័ត៌មានដ៏ភ្ញាក់ផ្អើលខាងលើនៅឡើយទេ៕

អត្ថបទ ៖ ចាន់រ៉ា