ផលិតករភាពយន្ត “You Have Done Well” បដិសេធរឿង IU ស៊ីថ្លៃខ្លួនខ្ទង់លានដុល្លារ

ក្រោយពីមានពាក្យចចាមអារ៉ាមនឹងព័ត៌មានដែលថា IU ទទួលបាន ៥០០ លានវ៉ុន (ប្រហែល៣៧៩, ២០០ដុល្លារ) សម្រាប់វគ្គនីមួយៗក្នុងភាគយន្តថ្មី “You Have Done Well” មកដល់ពេលនេះ ផលិតករនិងក្រុមហ៊ុនគ្រប់គ្រងតារាចម្រៀងស្រីរូបនេះបានបដិសេធចំពោះរឿងមួយនេះ ។

គេហទំព័រ Osen បានរាយការណ៍កាលពីថ្ងៃទី ៦ ខែមេសាថា IU បានទទួលប្រាក់ ៥០០ លានវ៉ុន (ប្រហែល៣៧៩ ,២០០ដុល្លារ) សម្រាប់វគ្គនីមួយៗនៃរឿងដែលនឹងមកដល់នាពេលខាងមុខនេះ “You Have Done Well”របស់ក្រុមហ៊ុន Netflix ។ យោងទៅតាមកាសែតនេះគឺជាប្រាក់ឈ្នួលថ្លៃ សម្តែងខ្ពស់បំផុតបើធៀបនឹងតារាស្រីកូរ៉េផ្សេងៗទៀត ។

ជាមួយគ្នានេះ ខាងផលិតកម្មភាពយន្ត Pan Entertainment ដែលទទទួលផលិតរឿង “You Have Done Well” បានចែករំលែកជាមួយ Xports News ថា “ព័ត៌មានខាងលើមិនពិតទេ ហើយប្រាក់កម្រៃពិតប្រាកដរបស់តួសម្តែងម្នាក់ៗពិបាកបញ្ចេញណាស់”។ ទន្ទឹមនឹងនោះ ទីភ្នាក់ងារគ្រប់គ្រងរបស់ IU ខាងផលិតម្ម EDAM Entertainment បាននិយាយស្រដៀងគ្នាថា “វាមិនពិតទេដែល IU ទទួលបាន ៥០០ លានវ៉ុន​(ប្រហែល៣៧៩,២០០ដុល្លារ) ដើម្បីសម្តែងក្នុងរឿងមួយនេះជាព័ត៌មានមិនពិត” ។

យ៉ាងណាមិញ នៅពេលបច្ចុប្បន្ននេះ IU កំពុងថតរឿង “You Have Done Well” ជាមួយ Park Bo Gum នៅកោះ Jeju ដែលថវិកាចំណាយផលិតមានទ្រង់ទ្រាយធំត្រូវបានគេរំពឹងថានឹងវិនិយោគ ដោយប៉ាន់ស្មានថាតម្លៃផលិតសរុបអាចនឹងលើស ពី ៦០ ពាន់លានវ៉ុន(ប្រហែល ៤៥,៥០៩,៨ ៨០ដុល្លារ) ៕

ប្រែសម្រួល៖នាងតូច

ចុចអាន៖IU ស៊ីថ្លៃខ្លួនខ្ទង់លានដុល្លារ ក្លាយជាតារាស្រីកូរ៉េរកចំណូលបានច្រើនជាងគេ