ជីវិតកម្សាន្ដ

ទស្សនាទិដ្ឋភាពមង្គលការរបស់តួឯកប្រុស ក្នុងរឿងភាគកូរ៉េ “មនុស្សកញ្ជ្រោង”

បានផុស

២ years មុន

នៅ

ថ្ងៃសៅរ៍ ៨ មេសា ២០២៣

ដោយ

នៅល្ងាចថ្ងៃទី ០៧ខែមេសា ពិធីមង្គលការរបស់តារាប្រុស Lee Seung Gi និង Lee Da In បានក្លាយជាចំណាប់អារម្មណ៍របស់ប្រព័ន្ធផ្សព្វផ្សាយកូរ៉េ និងអាស៊ី ខណៈទិដ្ឋភាពក្នុងពិធីមង្គលការរបស់តារាប្រុសល្បីរូបនេះ ត្រូវមិត្តភក្តិនិងសាច់ញាតិបង្ហោះលើបណ្ដាញសង្គមព្រោងព្រាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ត្បិតថាពិធីមង្គលការត្រូវបានបញ្ចប់ក្ដី ប៉ុន្តែទស្សនិកជនជាច្រើននៅតែទន្ទឹងរង់ចាំមើលពីទស្សនាទិដ្ឋភាពនិងសកម្មភាពរបស់គូស្នេហ៍មួយគូនេះថា តើនឹងមានអ្វីវិសេសក្នុងថ្ងៃអាពាហ៍ពិពាហ៍ ដែលមានតែសាច់ញាតិនិងមិត្តជិតស្និទ្ធប៉ុណ្ណោះចូលរួម។

ជាមួយគ្នានេះដែរ ក្នុងថ្ងៃមង្គលការរបស់តួឯកប្រុសក្នុងរឿង “មនុស្សកញ្ជ្រោង” ត្រូវបានគេលាតត្រដាងថាបរិយាកាសពោរពេញដោយក្តីស្រលាញ់ នៅពេលមួយលោកបានច្រៀងបទ “ព្រមរៀបការជាមួយខ្ញុំទេ?” ខណៈលោកលុតជង្គង់នៅចំពោះមុខភរិយា ក្រោមការទះដៃអបអរសាទរយ៉ាងលើសលប់ពីសំណាក់ភ្ញៀវមកចូលរួម។

ដោយឡែកកាលពីពេលថ្មីៗនេះ ភ្នាក់ងាររបស់ Lee Seung Gi បានបញ្ចេញរូបភាព Pre-wedding ផ្លូវការពីអាពាហ៍ពិពាហ៍របស់ Lee Seung Gi និង Lee Da In ឲ្យអ្នកគាំទ្ររបស់គូស្នេហ៍បានទស្សនាក្រោយទន្ទឹងចាំមើលជាយូរ៕