ជីវិតកម្សាន្ដ

មនុស្សតិចណាស់ដឹងថា Liu Yifei មានប្រវត្តិគ្រួសារលេចធ្លោខ្លាំងក្នុងសង្គមចិន

បានផុស

២ years មុន

នៅ

ថ្ងៃចន្ទ ១០ មេសា ២០២៣

ដោយ

ក្នុងនាមជាតារាស្រីមានសម្រស់លេចធ្លោបំផុត Liu Yifei តែងតែត្រូវបានគេសរសើរចំពោះសម្រស់របស់នាង ហើយក៏មានមនុស្សតិចណាស់ដែលដឹងថា តារាសម្ដែងស្រីរូបនេះ កើតមកក្នុងគ្រួសារដែលមានភាពប៉ិនប្រសប់ និងមានទេពកោសល្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជីតារបស់ Liu Yifei គឺជាអតីតទាហានដ៏ល្បីល្បាញក្នុងជួរកងទ័ព ដូច្នេះហើយគាត់បានប្តូរនាមត្រកូលរបស់គាត់ដើម្បីរំលឹកដល់សមមិត្តរបស់គាត់។ ចំណែកជីដូនឪពុករបស់នាងគឺជាលេខានៃមន្ទីរពេទ្យ Wuhan អស់រយៈពេលជាច្រើនឆ្នាំដែលល្បីល្បាញដោយសារជំនាញវិជ្ជាជីវៈរបស់គាត់។

មិនត្រឹមតែប៉ុណ្ណោះ ឪពុករបស់នាងគឺលោក An Shaokang ជាលេខាទីមួយនៃស្ថានទូតចិនប្រចាំប្រទេសបារាំង និងជាសាស្រ្តាចារ្យសាកលវិទ្យាល័យភាសាបារាំងមកពីទីក្រុងប៉េកាំង ដែលទាំងនេះបានជះឥទ្ធិពលដល់ការអប់រំរបស់តារាសម្តែងរូបនេះជាខ្លាំង។ គេដឹងថា Liu Yifei ចូលចិត្តអានសៀវភៅ និងចេះភាសាជាច្រើនដូចជា អង់គ្លេស ជប៉ុន ចិន និងបារាំង។ តារាស្រីរូបនេះក៏ពូកែប្រឡងគូរ ហើយល្បីតាំងពីអាយុ១៥ឆ្នាំម្ល៉េះ។

ដោយឡែក អ្នកម្ដាយរបស់នាងគឺលោកស្រី Liu Xiaoli គឺជាគ្រូបង្ហាត់របាំ Wuhan Academy of Drama និងជាតួសម្តែងក្នុងខ្សែភាពយន្តមួយចំនួន។ ទន្ទឹមនោះ ម្ដាយរបស់ Liu Yifei ក៏នាំកូនស្រីចូលទៅក្នុងពិភព showbiz ដែលកំពុងតែល្បីល្បាញ។ ទោះបីជាមានគ្រួសារដូចជាត្បូងពេជ្របែបនេះក៏ដោយ ប៉ុន្តែតួឯកស្រីក្នុងរឿង “Mulan” តែងតែជម្នះឧបសគ្គរហូតនាងបានបង្ហាញខ្លួនជាច្រើនដងក្នុងបញ្ជីតារាល្បីប្រចាំប្រទេសចិន១០០របស់ Forbes ហើយត្រូវបានគេដាក់ឈ្មោះថាជាតារាសម្ដែងស្រី Dan ថ្មីទាំងបួនរបស់ប្រទេសចិនក្នុងឆ្នាំ ២០០៩។ នាងក៏ត្រូវបានគេស្គាល់ថាជា “Fairy Sister” នៅក្នុងប្រទេសចិនដូចគ្នា៕