ជីវិតកម្សាន្ដ

Aum ប្រែសម្រស់មើលលែងស្គាល់ តែមហាជនចាប់អារម្មណ៍បុរសអ្នកជំនួញពាន់លានថតកៀកកើយ

បានផុស

១ year មុន

នៅ

ថ្ងៃចន្ទ ១០ មេសា ២០២៣

ដោយ

តារាសម្ដែងនិងជារៀមច្បងក្នុងវិស័យសិល្បៈ Aum Patcharapha បានទម្លាយរូបភាពមួយចំនួនក្នុងពិធីជប់លាងឯកជន រហូតទទួលការសរសើរលើសម្រស់ថ្មីចេស ខណៈមហាជនមួយចំនួនងាកទៅចាប់អារម្មណ៍បុរសអ្នកជំនួញពាន់លានធ្លាប់មានព័ត៌មានផជាមួយនាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ Aum Patcharapha បានតុងតែងខ្លួនយ៉ាងស្រស់ស្អាត ដើម្បីទៅទទួលទានអាហារពេលល្ងាចជាមួយក្រុមមិត្តភ័ក្ដិក្នុងនាមជាមនុស្សស្រីនៅលីវគ្មានគូគាប់ទ្រនាប់ចិត្តណាដូចពីមុនទេ។ ជាមួយនឹងរូបរាងដ៏អស្ចារ្យនាយប់នោះ នាងបានស្លៀករ៉ូបពណ៌បៃតងវែងអន្លាយ ប៉ុន្តែកាន់តែពិសេសនោះគឺឈុតមួយនេះបានបង្ហាញឲ្យឃើញដើមទ្រូង និងបង្អួតចង្កេះដ៏សិចស៊ី។ លើសពីនេះ Aum ក៏បានធ្វើម៉ូដសក់ឃ្យូតៗមើលទៅនាងកាន់តែក្មេងជាងវ័យ ស្របពេលដែលវាក្លាយជារូបភាពមួយដែលអ្នកគាំទ្ររពេញចិត្តជាខ្លាំងលើ Instagram ផ្ទាល់ខ្លួនរបស់នាង។

ក្រៅពីមានទស្សនិកជនសរសើរសម្រស់ Aum ក្នុងនោះម្នាក់ៗក៏ចាប់អារម្មណ៍នឹងបុរសវ័យក្មេងដែលបានថតជាមួយនាង នោះគឺអ្នកជំនួញពាន់លាន Nin Chanin Teerattanachai ដែលត្រូវទស្សនិកជនស្គាល់យ៉ាងច្បាស់ថាលោកគឺជានាំចូលឧបករណ៍អគ្គិសនីក្នុងឧស្សាហកម្ម និងជាម្ចាស់សណ្ឋាគារដ៏ល្បីល្បាញមួយនៅប៉ាតាយ៉ាផងដែរ។ ទោះយ៉ាងណា បុរសអ្នកជំនួញរូបនេះក៏ធ្លាប់ថតរូបកៀកកើយនឹង Aum កាលពីមុនដែរ រហូតឈានដល់ធ្លាយចចាមអារ៉ាមថាពួកគេគឺជាគូស្នេហ៍នឹងគ្នាថែមទៀតផង៕