Ravi សមាជិកក្រុម VIXX នឹងបង្ហាញខ្លួននៅតុលាការ ក្រោយរឿងអាស្រូវគេចមិនចូលបម្រើយោធា

Ravi សមាជិកក្រុម VIXX ត្រូវបង្ហាញខ្លួននៅតុលាការពីបទបំពានច្បាប់យោធារបស់ប្រទេសកូរ៉េ ដោយតារាប្រុសរូបនេះ បានធ្វើពុតជាមានជំងឺឆ្កួតជ្រូក ហើយបានក្លែងបន្លំរោគសញ្ញារបស់លោកដើម្បីចៀសវាងការចូលបម្រើការងារ។

ក្នុងអំឡុងពេលជំនុំជម្រះ Ravi បានសុំទោសជាខ្លាំងចំពោះទង្វើរបស់លោកដោយបាននិយាយថាមូលហេតុដែលលោកសម្រេចចិត្តគេចពីកងទ័ពគឺ «អស់សង្ឃឹម និងភ័យខ្លាចពេក» អំពីរយៈពេលនៃកិច្ចសន្យាចូលបម្រើយោធា។ ទោះយ៉ាងណា បច្ចុប្បន្ន​ព្រះរាជអាជ្ញា​បាន​បញ្ជាក់​ច្បាស់​ៗថា ​តារាប្រុសរូបនេះអាច​នឹង​ជាប់​ពន្ធនាគារ​រយៈពេលពីរឆ្នាំ​ចំពោះ​ករណី​មួយនេះ ។

ជាមួយគ្នានេះ តារាប្រុសរូបនេះបានបង្ហាញខ្លួននៅតុលាការបន្ទាប់ពីរឿងអាស្រូវគេចខ្លួនចូលបម្រើយោធា ក្រោយបញ្ចប់ការកាត់ក្តី Ravi បានសុំទោសអ្នកគាំទ្រ និងសុំដកខ្លួនចេញពី VIXX ដើម្បីកុំឱ្យប៉ះពាល់ដល់សមាជិក។

យ៉ាងណាមិញ នៅប្រទេសកូរ៉េខាងត្បូង បុរសដែលមានសុខភាពល្អទាំងអស់ត្រូវបំពេញកាតព្វកិច្ច យោធារយៈពេល ២ ឆ្នាំ។ ដូច្នេះហើយ ការគេចចេញពីការបម្រើយោធារបស់ Ravi គឺជាការអាម៉ាស់ និងថ្កោលទោសយ៉ាងខ្លាំងនៅក្នុងប្រទេសនេះ៕

ប្រែសម្រួល៖នាងតូច

ចុចអាន៖BLACKPINK នឹងធ្វើជាភ្ញៀវនៅក្នុងកម្មវិធី ‘Carpool Karaoke’ របស់អាមេរិក