រូបភាពបងស្រីរបស់ Jisoo ត្រូវគេសរសើរសម្រស់ព្រោងព្រាត

រូបភាពបងស្រីរបស់ Jisoo សមាជិក​ក្រុម​ចម្រៀង​ស្រី​កូរ៉េ​ខាង​ត្បូង BLACKPINK កំពុងក្លាយជាប្រធានបទក្ដៅលើអ៉ិនធើណេតបន្តចែកចាយ និងបញ្ចេញមតិ ក្រោយអ្នកគាំទ្រជាច្រើនបានឃើញសម្រស់ពិតរបស់នាង។

នៅថ្ងៃទី១២ខែមេសានេះ​ រូបភាពបងស្រី​របស់ Jisoo ត្រូវបានចែករំលែកនិង​បញ្ចេញមតិនៅក្នុងពិភពអនឡាញ​ពី​អ្នកលេងអ៊ីនធឺណិត​លើ​សម្រស់គ្រួសារ Kim ខុសៗគ្នាថា “ពួកគេពិតជាស្អាតណាស់” “ហេតុអ្វីបានជាបងស្រីរបស់អ្នកស្អាតជាង ហាហា” “ទោះបីជាពួកគេមិនបានបង្ហាញខ្លួន ខ្ញុំគ្រាន់តែសង្ឃឹមថានឹងឃើញរូបថតពីរបីសន្លឹកដែលថតជាមួយបងបងស្រីរបស់ខ្ញុំ “ពួកគេមានហ្សែនដ៏អស្ចារ្យ” ។

ទោះយ៉ាងណា នេះក៏មិនមែនជាលើកទីមួយទេដែលបងស្រីសមាជិកក្រុម BLACKPINK រូបនេះបង្ហាញខ្លួនជា​សាធារណៈ។​ ជារឿយៗគេតែងឃើញនាងបង្ហាញខ្លួនខ្លះៗដែរជាមួយប្អូនស្រីរបស់នាង ហើយក៏ទទួលការសរសើរថាបងប្អូនត្រកូលគីមស្អាតមិនចាញ់គ្នានោះទេ៕

ប្រែសម្រួល៖ សាង ស្រីល័ក្ខ

ចុចអាន៖អ្នកគាំទ្រផ្ទុះកំហឹង ក្រោយ BamBam សមាជិកក្រុម GOT7 ត្រូវគេរើសអើងពូជសាសន៍