លម្អិតលើចិញ្ចៀនភ្ជាប់ពាក្យរបស់ Millie តារាសម្ដែងក្នុងរឿង “Stranger Things”

Millie Bobby Brown បានប្រកាសភ្ជាប់ពាក្យជាមួយ Jake Bongiovi កាលពីថ្ងៃអង្គារ ដោយបង្អួតចិញ្ចៀនពេជ្រដ៏ធំនៅក្នុងរូបសខ្មៅក្បែរឆ្នេរសមុទ្ររបស់នាង ។ 

តារាសម្ដែងវ័យ ១៩ ឆ្នាំ Millie បានបង្ហោះរូបទៅលើបណ្ដាញសង្គម Instagram និងភ្ជាប់ជាមួយ caption ថា “I’ve loved you three summers now, honey, I want ’em all.” ដែលជាចម្រៀង Lover របស់ Taylor Swift ដើម្បីបង្ហាញពីក្ដីស្រលាញ់ច្បាស់លាស់ជាមួយ Jake ។

ដោយក្ដីងឿងឆ្ងល់ពីមហាជនរាប់លាននាក់ អ្នកជំនាញបានបង្ហើបខ្លះៗថាចិញ្ចៀនពេជ្រ Millie មានទំហំប្រហែលពី ៣ ទៅ ៣.៥ ការាត់តម្លៃខ្ទង់ ៧៥,០០០ ដុល្លារ ចំណែកអ្នកផ្សេងទៀតប៉ាន់ស្មានថាជាពេជ្រទំហំ ៥ ការាត់តម្លៃខ្ទង់ ១៥ ម៉ឺនដុល្លារឬខុសពីនេះអាស្រ័យតាមគុណភាពត្បូង ។

កូនប្រុស Jon Bon Jovi អាយុ ២០ ឆ្នាំ និង Millie ទាក់ទងគ្នាតាំងពីឆ្នាំ ២០២១ មកម្ល៉េះ ពួកគេបានចំណាយពេលដើរលេងជាមួយគ្នា និងដើរលើកម្រាលព្រំក្រហមនៅ BAFTAs ឆ្នាំ ២០២២ ផងដែរ ។ 

យ៉ាងណាមិញការភ្ជាប់ពាក្យរបស់នាងត្រូវមនុស្សមួយចំនួនរិះគន់មិនសំចៃដៃព្រោះពួកគេគិតថាអ្នកទាំងពីរនៅក្មេងពេក មិនគួរឆាប់មានគម្រោងរៀបការឡើយខ្លាចមិនរឹងមាំនិងមិនចាស់ទុំ ៕

ប្រែសម្រួល ៖ វារី

ចុចអាន ៖ មកដឹងពីតម្លៃចិញ្ចៀនរៀបការរបស់តារាល្បីលំដាប់អន្តរជាតិ ៥ រូប