ជីវិតកម្សាន្ដ

អ្នកគាំទ្រភ្ញាក់ផ្អើល ក្រោយដឹងថា Rain មានជំងឺធាត់មុនអាយុ

បានផុស

២ years មុន

នៅ

ថ្ងៃព្រហស្បតិ៍ ១៣ មេសា ២០២៣

ដោយ

អ្នកគាំទ្រជាច្រើនមានការភ្ញាក់ផ្អើលជាខ្លាំង បន្ទាប់ពីការធ្វើតេស្តសុខភាពចេញពីមន្ទីរពេទ្យបង្ហាញថា តារាចម្រៀងនិងសម្ដែងកូរ៉េខាងត្បូងលោក Ji Hoon Jung ឬ Rain មានជំងឺធាត់មុនអាយុទាំងដែលរាងកាយរឹងមាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១១ ខែមេសា Rain បានបង្ហោះរូបថតនៅលើ Instagram ដោយសរសេរខេបសិនថា “ខ្ញុំបានប្រឹងប្រែងយ៉ាងខ្លាំង។ ប៉ុន្តែត្រូវបានគេរកឃើញថាធាត់មុនអាយុ។ គេប្រាប់ខ្ញុំឲ្យហាត់ប្រាណជាប្រចាំ”។ ជាមួយគ្នានេះដែរ លទ្ធផលនៃការពិនិត្យសុខភាពបានបញ្ជាក់ថាឲ្យលោកប្រយ័ត្នកុំឡើងទម្ងន់បន្ថែម។ ការធ្វើលំហាត់ប្រាណបែប aerobic ទៀងទាត់ និងរបបអាហារមានតុល្យភាពត្រូវបានណែនាំនាពេលនេះ។

ទោះយ៉ាងណាក៏ដោយ ដំណឹងនេះបានធ្វើឲ្យអ្នកលេងអ៊ីនធឺណិតភ្ញាក់ផ្អើលផងដែរ។ ព្រោះ Rain ល្បីខាងការហាត់ប្រាណ និងមានរបបអាហារត្រឹមត្រូវ រួមទាំងមានរាងកាយមាំទាំ រហូតមនុស្សមួយចំនួនសឹងមិនចង់ជឿថា លោកមានជំងឺមួយប្រភេទនេះផ្ទុកក្នុងខ្លួនឡើយ។ ទន្ទឹមនោះ មហាជនជាច្រើនជាពិសេសអ្នកគាំទ្ររបស់ Rain បានផ្ញើសារជូនពរនិងបញ្ចេញមតិក្រោមរូបភាពរបស់លោកឲ្យឆាប់ជាសះស្បើយ និងត្រលប់មកបំពេញការងារបានដូចដើម៕