ជីវិតកម្សាន្ដ

ត្រឹម ៦ ថ្ងៃ ភាពយន្ត “ផ្ទះជួលបូជាព្រលឹង” របស់ Weir-Mew រកចំណូលរាប់លានដុល្លារ

បានផុស

២ years មុន

នៅ

ថ្ងៃចន្ទ ១៧ មេសា ២០២៣

ដោយ

ភាពយន្តថៃបែបភ័យរន្ធត់និងស៊ើបអង្កេតដោយផ្អែកលើព្រឹត្តិការណ៍ពិត មានចំណងជើងថា “ផ្ទះជួលបូជាព្រលឹងឬ Home For Ren” ត្រឹមរយៈពេល៦ថ្ងៃ (គិតត្រឹមថ្ងៃទី១៥)ប៉ុណ្ណោះ រកចំណូលបានដល់ទៅ៣៥លានបាត (ប្រហែល១,០១៩,៨៥៨ដុល្លារអាមេរិក) ឯណោះ។

ភាពយន្តខ្នាតធំ “ផ្ទះជួលបូជាព្រលឹងឬHome For Ren” ផលិតដោយ Widescreen Film និង N8 Studio ចែកចាយ ដោយ GDH 559 ដឹកនាំដោយលោក Sophon Sakdapisit ព្រមទាំងសម្តែងដោយតារាស្រី Nittha Jirayungyurn,Weir Sukollawat និងតារាស្រីជើងចាស់ Penpak Sirikul ដែលចាក់បញ្ចាំងលើកដំបូងកាលពីនៅថ្ងៃទី ០៦ខែមេសា ឆ្នាំ ២០២៣ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាច់រឿងបែបលងបន្លាចមួយនេះ និយាយអំពីគូស្វាមីមួយគូដែលជួលផ្ទះគេ។ ប្រពន្ធរបស់តួប្រុស Gavin (Weir ) ដឹងថាអ្នកជួលរបស់ពួកគេកំពុងលាក់អ្វីមួយ ក្រោយប្តីរបស់នាងមានអាកប្បកិរិយាចម្លែកៗ មើលទៅមានអាថ៌កំបាំង ចូលចិត្តបាត់ខ្លួននៅម៉ោង៤ទៀបភ្លឺ ហើយមានស្នាមសាក់រាងត្រីកោណ ដែលជាស្នាមសាក់ដូចគ្នាដែលអ្នកជួលមាន។ នៅពេលដែល Gavin ចាប់ផ្តើមចម្លែក Ning ចាប់ផ្តើមឃើញគ្រោះថ្នាក់ ហើយនាងហ៊ានធ្វើធ្វើអ្វីគ្រប់យ៉ាងដើម្បីការពារកូនស្រីរបស់នាងពីសាសនាចម្លែកនេះ៕