ជីវិតកម្សាន្ដ

ពែកមី ហួសចិត្ត ចេញបទ”ចូលឆ្នាំយើងទៅណា” ស្រាប់តែត្រូវបុរសម្នាក់ជេរកប់ៗមាត់

បានផុស

២ years មុន

នៅ

ថ្ងៃចន្ទ ១៧ មេសា ២០២៣

ដោយ

តារាកំប្លែងនាយ ពែកមី បានសម្ដែងការហួសចិត្តខ្លាំង ក្រោយច្រៀងបទបែបកំប្លែង សប្បាយលេង សើច នាឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ក៏ស្រាប់តែត្រូវបានបុរសម្នាក់ចេញមកជេរប្រមាថកប់ៗមាត់នៅលើបណ្ដាញសង្គមតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទចម្រៀងដែលត្រូវបាន នាយ ពែកមី ច្រៀងបង្ហោះផ្សព្វផ្សាយជាសាធារណៈមានចំណងជើងថា “ចូលឆ្នាំយើងទៅណា”។ ក្នុងបទនេះគេឃើញតារាកំប្លែងនាយ ពែកមី ច្រៀងមានលក្ខណៈបែបសប្បាយៗ រួមបញ្ចូលភ្លេងយ៉ាងពីរោះ។ ប៉ុន្តែរឿងដែលហួសចិត្តគឺមានម្ចាស់ទំព័រហ្វេសប៊ុកមួយ ធ្វើការរិះគន់នាយ ពែកមី ដោយមិនសំចៃមាត់ឡើយ។

តារាកំប្លែងមានដើមកំណើតពីទឹកដី នៃខេត្តស្វាយរៀង នាយ ពែកមី បង្ហោះសារបែបនេះថា បទ”ចូលឆ្នាំយើងទៅណា” អាប៉ិនេះខមមិនថា ខ្ញុំ ……។ បទច្រៀងលេងឲ្យបងប្អូនបានសើចសប្បាយ កំប្លែងៗ អរគុណបងប្អូនដែលគាំទ្រ។ ការលើកឡើងរបស់នាយ ពែកមី នេះ បានធ្វើឡើង បន្ទាប់ពីមានការរិះគន់ថា អានេះខំផឹកឈឺស្គមជិតងាប់ប៉ុណ្ណឹងហើយ មកឆ្លៀតច្រៀងបទឆ្កួតៗ ឡប់ៗ ចឹងទៀត។

ជាមួយគ្នា នៃការបង្ហោះរបស់សាមីខ្លួន នាយ ពែកមី នេះដែរ ភ្លាមៗនោះ មានអ្នកគាំទ្រលោកមួយចំនួនបានបញ្ចេញមតិដែរថា កុំខ្វល់ពូ ពែកមី គាត់កើតរោគអាឡ័កស៊ីហើយ សំខាន់ចេញមួយបទហ្នឹង បងប្អូនខ្ញុំ និងខ្ញុំ គាំទ្រស្រលាញ់ពេញចិត្តមួយបទនេះខ្លាំង។ រីឯខ្លះទៀតបាននិយាយដែរថា ធម្មតាទេបងរឿងដែលយើងធ្វើមិនអាចផ្គាប់ចិត្តមនុស្សគ្រប់រូបបានទេ៕

អត្ថបទ ៖ ចាន់រ៉ា