ជីវិតកម្សាន្ដ

តួ ទិនហ្វី ពោលពាក្យសោកស្ដាយខ្លាំង ដែលមិនបានផ្សះផ្សាជម្លោះ មុន Man Tat មរណភាព

បានផុស

២ years មុន

នៅ

ថ្ងៃអង្គារ ១៨ មេសា ២០២៣

ដោយ

គិតមកទល់ពេលនេះ វាមានរយៈពេលពីរឆ្នាំហើយ ចាប់តាំងពីទទួលមរណភាពរបស់តារាកំប្លែង Ng Man Tat ដែលបានស្លាប់ដោយសារជំងឺមហារីកថ្លើមក្នុងខែកុម្ភៈ ឆ្នាំ ២០២១ ក្នុងវ័យ៧០ ឆ្នាំ។

តារាកំប្លែង Man Tat ត្រូវបានគេចងចាំល្អខ្លាំងបំផុតសម្រាប់ការងាររបស់គាត់ដែលដើរតួជាមួយទិនហ្វី (Stephen Chow) ដោយអ្នកទាំងពីរតែងដើរតួជាតួអង្គកំប្លុកកំប្លែងនៅក្នុងខ្សែភាពយន្តដូចជា Hail The Judge (១៩៩៤) និង Shaolin Soccer (២០០១) ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាយ៉ាងណាក៏ដោយ អ្នកទាំងពីរបានបែកបាក់គ្នានៅឆ្នាំ ២០០៤ បន្ទាប់ពីទិនហ្វីបានចោទប្រកាន់ថាបានរក្សាតួនាទីតួឯករបស់ Man Tat ក្នុងរឿង Kungfu Hustle សម្រាប់ខ្លួនគាត់ទៅវិញ។ ប៉ុន្តែគួរឲ្យស្តាយ ទិនហ្វី និង Man Tat មិនអាចផ្សះផ្សាគ្នាបានទេ មុនពេលលោកទទួលមរណភាព។ បច្ចុប្បន្ននេះទិនហ្វី ត្រូវរស់នៅជាមួយការសោកស្ដាយទាក់ទងនឹងមិត្តភាពដូចដែលគាត់ទើបតែបានបង្ហាញនៅលើបណ្តាញសង្គម។

យ៉ាងណាមិញ ដើម្បីអបអរការទទួលបានអ្នកតាមដាន ១ លាននាក់នៅលើ IG ទិនហ្វីបានប្រាប់អ្នកគាំទ្ររបស់គាត់ឲ្យសួរនូវអ្វីទាំងអស់នៅក្នុងមតិយោបល់។ មួយសន្ទុះក្រោយមកទិនហ្វីបានចូលទៅ Instagram Stories របស់គាត់ដើម្បីឆ្លើយតបទៅនឹងសំណួរដែលទាក់ទាញជាងគេ ដោយក្នុងនោះអ្នកគាំទ្រសួរថា តើលោកមានអ្វីចង់និយាយទៅ Man Tat?

ជាការឆ្លើយតបទៅកាន់ទស្សនិកជន ទិនហ្វីបានតបវិញទាំងអារម្មណ៍ចង់យំថា “ខ្ញុំស្រលាញ់អ្នក ខ្ញុំសោកស្តាយដែលមិនធ្លាប់បង្ហាញវាដោយផ្ទាល់” ។

យោងតាមរបាយការណ៍ក៏បានបញ្ចាក់ថា ទិនហ្វីមិនបានជួប Man Tat ជាលើកចុងក្រោយនោះទេ មុនពេលដែលគាត់ស្លាប់ដោយសារជំងឺ។ នៅពេលនោះទិនហ្វី ត្រូវបានដកស្រង់សម្តីដោយនិយាយថាគាត់ “នៅតែមិនអាចទទួលយកការស្លាប់របស់ Man Tat” ។ បន្ទាប់ពីស្លាប់របស់មិត្តសំឡាញ់ ទិនហ្វីបានបង្ហាញខ្លួននៅបុណ្យសពរបស់ Man Tat ដើម្បីគោរពគាត់ចុងក្រោយ ហើយក៏ត្រូវបានគេមើលឃើញថាជាការផ្សះផ្សារវាងអ្នកទាំងពីរផងដែរ៕