Shawn និង Camila ត្រូវគេឃើញថើបគ្នានៅ Coachella ក្រោយបែកគ្នាមួយឆ្នាំ

នៅថ្ងៃដំបូងនៃកម្មវិធីប្រគំតន្ត្រី Coachella តារាចម្រៀង Shawn Mendes និង Camila Cabello ត្រូវបានគេចាប់បានមើលការសំដែងនិងធ្វើកាយវិការផ្អែមល្ហែមដាក់គ្នាទៅវិញទៅមក ក្រោយពីការបែកគ្នាបានមួយឆ្នាំ ។

Shawn Mendes និង Camila Cabello ដែលបានចែកផ្លូវគ្នាក្នុងខែ វិច្ឆិកា ឆ្នាំ ២០២១ ត្រូវបានគេប្រទះឃើញថាបានចូលរួមក្នុងរាត្រីដំបូងរបស់កម្មវិធីប្រគំតន្ត្រី Coachella ជាមួយគ្នា អ្នកទាំងពីរជជែកលេងកម្សាន្តជាមួយមិត្តភក្តិ។ ក្នុងឃ្លីបដែលត្រូវបានគេចែករំលែកនោះ តារាចម្រៀងទាំងពីរសប្បាយរីករាយសម្រាប់កម្មវិធី Coachella ។

ការជួបជុំគ្នារវាង Shawn Mendes និង Camila Cabello កើតឡើងជាងមួយឆ្នាំបន្ទាប់ពីអ្នកទាំងពីរ បានចេញសេចក្តីថ្លែងការណ៍រួមមួយ ដោយប្រកាសថាពួកគេបានចែកផ្លូវគ្នាបន្ទាប់ពីទាក់ទងជាមួគ្នាជាងពីរឆ្នាំ។ ការបែកគ្នារបស់ពួកគេបានធ្វើឱ្យអ្នកគាំទ្រភ្ញាក់ផ្អើល ខណៈដែលពួកគេត្រូវបានគេប្រទះឃើញដើរលេងនៅ Miami ជាមួយមុនពេលបែកគ្នា ។

យ៉ាងណាមិញ ទោះបីជាអ្នកទាំងពីរមិនបានបង្ហាញច្រើនអំពីទំនាក់ទំនងរបស់ពួកគេក៏ដោយ ប៉ុន្តែកាលពីឆ្នាំមុនតារាចម្រៀង Camila Cabello បានបើកចំហយ៉ាងច្បាស់លាស់អំពីទំនាក់ទំនងរបស់នាងជាមួយ Shawn Mendes នៅតែបន្តជាមិត្តល្អនឹងគ្នា ៕

ប្រែសម្រួល៖នាងតូច

ចុចអាន៖Leonardo DiCaprio លួចមានទំនាក់ទំនងស្នេហាជាមួយតារាបង្ហាញម៉ូដ Irina Shayk