ជីវិតកម្សាន្ដ

ឌួង ហ្សូរីដា ថា ភាសាបេះដូងសម្រាប់ កម្ពុជា មិនមែនគ្រាន់តែនិយាយ ប៉ុន្តែខ្មែរធ្វើបាន

បានផុស

២ years មុន

នៅ

ថ្ងៃអង្គារ ១៨ មេសា ២០២៣

ដោយ

តារាសម្ដែង និងជាពិធីការិនីកញ្ញា ឌួង ហ្សូរីដា កន្លងមក ត្រូវបានគេមើលឃើញថា នាងតែងមានភាពលេចធ្លោលើសកម្មភាពសង្គមនានាដូចជា ការចូលរួមផ្សព្វផ្សាយពីសិល្បៈ វប្បធម៌ អរិយធម៌ខ្មែរ ទៅកាន់ពិភពលោក និងមនុស្សធម៌ ដោយចែករំលែកក្ដីស្រលាញ់ជូនប្រជាពលរដ្ឋជួបការខ្វះខាត កុមារកំព្រា និងចាស់ជរាជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពទាំងនេះបានធ្វើឲ្យប្រជាប្រិយភាព និងការគាំទ្ររបស់តារាស្រីកញ្ញា ឌួង ហ្សូរីដា នៅរក្សាបានលើទីផ្សារសិល្បៈបច្ចុប្បន្ន។ កាន់តែចាប់អារម្មណ៍ថែមទៀតនោះ ស្រីស្អាត ឌួង ហ្សូរីដា បានចេញមកបញ្ជាក់ដោយក្តីស្រលាញ់ និងគោរព តាមរយៈអត្ថន័យបែបនេះថា ភាសាបេះដូងសម្រាប់ កម្ពុជា មិនមែនគ្រាន់តែនិយាយ ប៉ុន្តែខ្មែរធ្វើបានដោយបង្កើតបេះដូងចេញពីស្នាដៃកូនខ្មែរគ្រប់រូបរួមបញ្ចូលគ្នារហូតទទួលបាន«បេះដូងច្រើនជាងគេលើពិភពលោក» នៅបរិវេណប្រាសាទអង្គរវត្ត។

ឌួង ហ្សូរីដា បាននិយាយទៀតថា សូមជម្រាបផងដែរថា ក្នុងពិធីបើកផ្លូវការព្រឹត្តិការណ៍អង្គរសង្ក្រាន្ត ឆ្នាំ ២០២៣ សម្ដេច បានសម្ដែងនូវការរីករាយចំពោះការបំបែកបាននូវឯតទគ្គកម្ម«បេះដូងច្រើនជាងគេលើពិភពលោក» ចំនួន ៣,៩១៧,៨០៥ បេះដូង របស់ កម្ពុជា ដែលការចូលរួមបត់បេះដូងពីប្រជាជនកម្ពុជាគ្រប់វ័យ គ្រប់ស្រទាប់វណ្ណៈនេះ បានបង្ហាញពីក្ដីស្រលាញ់ និងអត្ថន័យ នៃភាសាបេះដូងសម្រាប់កម្ពុជា។

សូមជម្រាបដែរថា ពិធីការិនីរូបស្រស់កញ្ញា ឌួង ហ្សូរីដា មកដល់ពេលបច្ចុប្បន្ននេះ ត្រូវបានគេចាត់ថា នាងក៏ជាបុគ្គលម្នាក់ដែលពូកែ ហើយឆ្នើមមិនធម្មតាឡើយ ពោលគឺមិនត្រឹមតែជោគជ័យលើមុខរបរជាពិធីការិនីអាជីពច្បាស់លាស់ប៉ុណ្ណោះទេ តែនាងក៏ច្បាស់ជាមួយមុខជំនួញគ្រប់បែបយ៉ាងទៀតផង៕

អត្ថបទ ៖ ចាន់រ៉ា