ជីវិតកម្សាន្ដ

តន់ ចន្ទសីម៉ា ក្ដីស្រមៃធំបំផុតរយៈពេល ៨ ឆ្នាំ ក្លាយជាការពិត

បានផុស

២ years មុន

នៅ

ថ្ងៃអង្គារ ១៨ មេសា ២០២៣

ដោយ

តារាចម្រៀងលំដាប់ជួរមុខរបស់ផលិតកម្ម Galaxy កញ្ញា តន់ ចន្ទសីម៉ា ទម្លាយថា ពេលនេះក្តីស្រមៃដ៏ធំបំផុតរបស់នាងដែលមានរយៈពេល ៨ ឆ្នាំមកហើយនោះ បានប្រែក្លាយជាការពិតហើយ ដោយបានឱកាសសម្ដែង និងច្រៀង លើឆាកធំក្នុងអង្គរសង្ក្រាន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរយៈការលើកឡើងរបស់កញ្ញា តន់ ចន្ទសីម៉ា បានបញ្ជាក់ថា «(២០១៥-២០២៣) ពីយុវជនស្ម័គ្រចិត្ត ស.ស.យ.ក-ខេត្តតាកែវ ច្រៀងបទ”នគររាជ” និង”ពង្សាវតារ” បើកព្រឹត្តិការណ៍អង្គរសង្ក្រាន្ត ឆ្នាំ ២០១៥ ធ្លាប់មានក្តីស្រមៃថា ថ្ងៃណាមួយ ខ្ញុំនឹងច្រៀងលើឆាកធំអង្គរសង្ក្រាន្តឲ្យបាន ពេលនេះខ្ញុំធ្វើបានហើយ»។

តារាចម្រៀង តន់ ចន្ទសីម៉ា បាននិយាយទៀតថា «អរគុណជាពិសេសដល់ពុកម៉ែបងប្អូនដែលគាំទ្រ ឆ្នាំ ២០២៣ នេះ ខ្ញុំមានកិត្តិយសបានសម្ដែងនៅឆាកធំទីលានជល់ដំរីជាមួយនឹងបទ”ស្រឡាញ់អ្វីដែលខ្មែរមាន” ក្តីស្រមៃ និងក្តីសង្ឃឹម សិល្បៈរស់ក្នុងសន្តិភាព អរគុណសន្តិភាព»។

ជាមួយការទម្លាយរបស់កញ្ញា តន់ ចន្ទសីម៉ា ដូច្នេះគឺមានអ្នកគាំទ្រនាងលើកឡើងថា នេះមិនមែនជាភាពចៃដន្យទេ តែជាលទ្ធផល នៃការតស៊ូមិនចុះចាញ់របស់ប្អូនស្រី។ ក្តីស្រមៃតែងតែមានលើមនុស្សគ្រប់គ្នា តែទង្វើដែលបានធ្វើមិនប្រាកដថាដូចគ្នាទេ អ្នកខ្លះក៏បានដូចក្តីបំណងប្រាថ្នា អ្នកខ្លះក៏មិនបាន…..។ អបអរសាទរដែលទទួលបានជោគជ័យក្នុងក្តីបំណងដ៏ធំនេះ៕

អត្ថបទ ៖ ចាន់រ៉ា