Jungkook បរិច្ចាគប្រាក់ខ្ទង់ម៉ឺនដុល្លារដល់មន្ទីរពេទ្យកុមារកូរ៉េ

Jungkook ដែលជាសមាជិកនៃក្រុម BTS បានបរិច្ចាគប្រាក់ចំនួន ១ ពាន់លានវ៉ុន (ប្រហែល ៧៥០ ,០០០ ដុល្លារអាមេរិក) ទៅកាន់មន្ទីរពេទ្យកុមារនៃសាកលវិទ្យាល័យជាតិសេអ៊ូលដើម្បីប្រើប្រាស់ជាប្រយោជន៍ដល់កុមារឈឺ ។

ក្នុងនោះ ការបរិច្ចាគនេះត្រូវបានគេរំពឹងថានឹងត្រូវបានប្រើដើម្បីព្យាបាលកុមារមកពីគ្រួសារដែល មានប្រាក់ចំណូលទាប និងគម្រោងមជ្ឈមណ្ឌលថែទាំរួមបញ្ចូលគ្នា។ ជាមួយគ្នានេះ Jungkook បានផ្ញើសារបន្ទាប់ពីបរិច្ចាគប្រាក់ដ៏ច្រើនសន្ធឹកសន្ធាប់ថា “ខ្ញុំសង្ឃឹមថាប្រាក់នឹងជួយកុមារមួយចំនួនដែលកំពុងរងទុក្ខ។ ខ្ញុំនឹងផ្គត់ផ្គង់ពួកគេឱ្យមានស្នាមញញឹមដែលមានសុខភាពល្អ” ។

នេះមិនមែនជាលើកទីមួយទេ ដែលតារាប្រុសរូបនេះ បានបរិច្ចាគប្រាក់យ៉ាងច្រើនដល់អង្គការនានា ។ រួមគ្នាជាមួយ Jungkook លោកបានបន្តសកម្មភាពបរិច្ចាគជាមួយ BTS ដោយនៅក្នុងខែ មករា ឆ្នាំ ២០១៧ ក្រុម BTS បានបរិច្ចាគ ១០០លានវ៉ុន (៧៦,០០០ ដុល្លារ) ដល់ក្រុមគ្រួសារ ៤១៦ ដែលរួមមានគ្រួសារដែលមានសមាជិកដែលបានស្លាប់ដោយសារគ្រោះមហន្តរាយកប៉ាល់ Sewol ។ ក្នុងឆ្នាំ ២០២០ BTS ក៏បានបរិច្ចាគ ១ លានដុល្លារដល់អង្គការដែលទាក់ទងនឹងយុទ្ធនាការប្រឆាំងការរើសអើងជាតិសាសន៍ផងដែរ។

លើសពីនេះ BTS ក៏បានបរិច្ចាគ ១ លានដុល្លារដល់ Live Nation ដែលជាអង្គការ global performance organization ដើម្បីគាំទ្រសិល្បករដែលកំពុងជួបការលំបាកផ្នែកសេដ្ឋកិច្ចដោយសារជំងឺរាតត្បាតថែមទៀតផង ៕

ប្រែសម្រួល៖នាងតូច

ចុចអាន៖BLACKPINK បង្ហាញវប្បធម៌ប្រពៃណីកូរ៉េ នៅលើឆាក Coachella