ជីវិតកម្សាន្ដ

រឿន ណាត មោទនភាពក្នុងនាមជាកូនខ្មែរ ត្រូវបានអញ្ជើញធ្វើជាគណៈកម្មការកម្មវិធីអន្តរជាតិ

បានផុស

២ years មុន

នៅ

ថ្ងៃពុធ ១៩ មេសា ២០២៣

ដោយ

បវរកញ្ញាកម្ពុជា កញ្ញា រឿន ណាត បានបង្ហាញអារម្មណ៍រំភើប និងមោទនភាពខ្លាំង ក្នុងនាមជាកូនខ្មែរ ត្រូវបានអញ្ជើញធ្វើជាគណៈកម្មការកម្មវិធីអន្តរជាតិ គឺ Miss & Mister Celebrity International 2023 នៅប្រទេសម៉ាឡេស៊ី នាពេលឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ បវរកញ្ញាឯកចក្រវាលកម្ពុជា ឆ្នាំ ២០១៨ កញ្ញា រឿន ណាត បច្ចុប្បន្នត្រូវបានអ្នកគាំទ្រសង្កេតឃើញទាំងជីវិតរស់នៅបែបឯកជនខាងក្រៅ និងក្នុងវិថីសិល្បៈ នាងហាក់មានភាពលេចធ្លោ ហើយជោគជ័យព្រមគ្នាតែម្ដង។ កត្តានេះហើយទើបជំរុញឲ្យអ្នកគាំទ្រ តែងលួចសរសើរបវរកញ្ញារូបនេះ។

ស្របពេលជាមួយគ្នានេះដែរ ស្រីស្អាត រឿន ណាត កន្លងមក ក៏ធ្លាប់បញ្ចេញប្រាប់នូវអារម្មណ៍ផ្ទាល់ខ្លួនដែលធ្វើឲ្យជីវិតរបស់នាងកំពុងរកឃើញក្តីសុខពិតប្រាកដ។ លើសពីនេះ កាន់តែធ្វើឲ្យ រឿន ណាត មោទនភាពខ្លាំងថែមទៀត គឺថ្មីៗ នាង ត្រូវបានអញ្ជើញធ្វើជាគណៈកម្មការកម្មវិធីអន្តរជាតិមួយ។

ចំណាប់អារម្មណ៍របស់ស្រីស្អាត រឿន ណាត បានថ្លែងប្រាប់ដោយក្តីរំភើបថា «ពិតជាមានមោទនភាពណាស់សម្រាប់នាងខ្ញុំក្នុងនាមជាកូនខ្មែរមួយរូបដែលបានចូលរួមធ្វើជាគណៈកម្មការកម្មវិធីអន្តរជាតិម្តងទៀត See you Malaysia»។ នាងបន្ថែមទៀតថា «អគុណអ្នកទាំងអស់គ្នា យើងឈានជើងកាន់តែខ្លាំង»។ ជាមួយដំណឹងនេះ បានធ្វើឲ្យអ្នកគាំទ្របង្ហាញការចូលរួមអបអរសាទរគ្រប់គ្នា។

សូមជម្រាបដែរថា កញ្ញា រឿន ណាត មួយរយៈនេះនាងហាក់លេចធ្លោខ្លាំងលើរូបសម្ផស្សដ៏ស្រស់សោភា។ មិនតែប៉ុណ្ណោះ ជារឿយៗ បវរកញ្ញារូបនេះ ក៏ផ្ដើមក្លាហានហ៊ានទម្លាយនូវរូបភាពសិចស៊ី រាងស្រឡូន សម្ញែងភ្នែកមហាជនឲ្យចាប់អារម្មណ៍លើនាងគ្រប់គ្នាផងដែរ៕

អត្ថបទ ៖ ចាន់រ៉ា