ជីវិតកម្សាន្ដ

មានគេឃើញមិត្តប្រុសហៃសូ Songkran បណ្ដើរស្រីផ្សេងក្រៅពី Matt

បានផុស

១ year មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

គូស្នេហ៍តារាសម្ដែង Matt Peeranee និងអ្នកជំនួញហៃសូ Songkran Techanarong ពេលនេះកំពុងតែក្លាយជាប្រធានបទដ៏ក្តៅគគុកក្នុងពិភពអនឡាញថា អ្នកទាំងពីរបានបែកគ្នា បន្ទាប់ពីមិនឃើញបង្ហាញរូបភាពជាមួយគ្នាទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ ក្នុងថ្ងៃបុណ្យចូលឆ្នាំថ្មីនាថ្ងៃទី១៣ ខែមេសា ដែលត្រូវនឹងថ្ងៃខួបកំណើតរបស់ Songkran ក៏មានរូបភាពមួយសន្លឹកដែលលោកកំពុងតែទទួលទានអាហារជាមួយគ្រួសារ ប៉ុន្តែក្នុងក្នុងនោះគេពុំបានឃើញវត្តមានមិត្តស្រី Matt Peeranee មកចូលរួមទេ។

ជាមួយគ្នានេះដែរ អ្នកលេងអ៊ីនធឺណិតបានក៏កត់សម្គាល់ថា ក្នុងអំឡុងពេលនោះ Matt បានចំណាយពេលជាច្រើនសប្តាហ៍ជាមួយគ្រួសាររបស់នាងនៅប្រទេសន័រវែស និងបានប្រើរបៀបរស់នៅបែបជានាងដូចជាទៅលំហាត់ប្រាណ ហើយបានទៅជប់លៀងជាមួយមិត្តភ័ក្ដិជិតស្និទ្ធ ដោយមិនបានបង្ហោះសារជូនពរថ្ងៃកំណើត Songkran ដូចរាល់ឆ្នាំឡើយ។

យ៉ាងណាមិញ នាពេលថ្មីៗនេះនៅលើទំព័រហ្វេសបុកល្បី Jay Moy 108 បានបង្ហោះសារបញ្ជាក់ថា “មានគេឃើញ Songkran បណ្ដើរស្រីថ្មីនៅជិតតំបន់ BTS Chong Nonsi ប៉ុន្តែមិនមែនជាមិត្តស្រី Matt នោះទេ។

បន្ទាប់ពីលេចធ្លាយរូបភាពមិត្តប្រុស Matt បណ្ដើរស្រីថ្មី អ្នកគ្រប់គ្រងផ្ទាល់ខ្លួនរបស់ Matt ឆ្លើយយ៉ាងខ្លីថា មិនទាន់បានពិភាក្សាលម្អិតអំពីរឿងនេះជាមួយនាងទេ។ ដែលពេលនេះនាងកំពុងធ្វើការជាចម្បងនៅទីក្រុងបាងកក ចំណែកឯរឿងដែលគ្រប់គ្នាចង់ដឹងនោះ ចាំមើលត្រៀមពេលណាដែល Matt នឹងចេញមកផ្ដល់បទសម្ភាសន៍ដោយខ្លួនឯងតែប៉ុណ្ណោះ៕