ជីវិតកម្សាន្ដ

តារា ថៃ ម្នាក់ និងមិត្តប្រុសជានិស្សិតកងទ័ពជើងអាកាស ត្រូវគេប្រទះឃើញស្លាប់ក្នុងខុនដូ

បានផុស

២ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

សាកសពតារាស្រីថៃម្នាក់ដែលគេស្គាល់ថា Gie និងមិត្តប្រុសជានិស្សិតកងទ័ពជើងអាកាស ត្រូវគេរកឃើញនៅក្នុងបន្ទប់ខុនដូនៃទីក្រុងបាងកក ប្រទេសថៃ នារសៀលម្សិលមិញ ស្របពេលប៉ូលិសនិយាយថា អ្នកទាំងពីរត្រូវបានគេបាញ់ចំក្បាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ទោ Thiti Saeng បាននិយាយថា មិត្តភ័ក្ដិរបស់អ្នកស្លាប់បានខលមកកាន់មន្ត្រីប៉ូលិសពីស្ថានីយ Makkasan ថាបន្ទប់ខុនដូរបស់ជនរងគ្រោះមានការបាញ់ប្រហារគ្នា។ នៅពេលប៉ូលិសទៅដល់ បានរកឃើញសាកសពរបស់ Supitcha “Gie” Pridacharoen ដេកនៅលើឥដ្ធ នាងបានស្លាប់ដោយសារការបាញ់ប្រហារមួយគ្រាប់ចំក្បាល ខណៈនៅក្បែរនោះ មានសាកសពកងទ័ពជើងអាកាសថៃ ដែលត្រូវគេរាយការណ៍ថាជាកូនរបស់មន្ត្រីយោធាជាន់ខ្ពស់ គាត់ក៏ត្រូវបាញ់ចំក្បាលដូចគ្នា។

ក្នុងបន្ទប់ប៉ូលិសបានរកឃើញសំបកគ្រាប់កាំភ្លើងចំនួន២គ្រាប់ និងអាវុធមួយដើម ដែលទុកជាវត្ថុតាង។ យ៉ាងណាមិញពួកគេកំពុងស្ថិតក្នុងដំណើរការពិនិត្យវីដេអូ CCTV ដើម្បីកំណត់ថា តើភាគីទីបីពាក់ព័ន្ធនឹងការបាញ់ប្រហារនេះឬអត់។ ប៉ូលិសក៏បានប៉ាន់ស្មានថា ការបាញ់ប្រហារនេះកើតឡើងយ៉ាងហោចណាស់ ២៤ ម៉ោងមុនពេលរកឃើញសាកសព។

ប៉ូលិសដដែលក៏បានបន្ថែមទៀតថា ទំនាក់ទំនងរវាង Gie និងនិស្សិតកងទ័ពជើងអាកាសដែលមិនបញ្ចេញឈ្មោះ គឺមិនច្បាស់នៅដំណាក់កាលនេះទេ។ ចំណែកការបាញ់ប្រហារបានកើតឡើងនៅក្នុងបន្ទប់គេងរបស់ Gie ដែលមានទំហំតូច និងបិទដោយជញ្ជាំងបែងចែក ដែលអាចជាហេតុផលគ្មាននរណាម្នាក់នៅក្នុងអគាររាយការណ៍ថាបានឮសំឡេងកាំភ្លើង

ដោយឡែកអ្នកគ្រប់គ្រងរបស់ Gie បានបង្ហោះសារនៅលើទំព័រ Facebook របស់ Gie ទៅកាន់អ្នកតាមដានរបស់នាងចំនួន ១៩៤,០០០ថា នាងបានទទួលមរណភាពហើយ។ ចំណែកព័ត៌មានលម្អិតបន្ថែម នឹងត្រូវប្រកាស។ សូមអរគុណអ្នកទាំងអស់គ្នា ដែលតែងតែតាមដាន Gie កាលកន្លងមក៕