ជីវិតកម្សាន្ដ

ប៉េង ប៉ោង រត់ចូលពេទ្យ អ្នកគាំទ្របារម្ភ

បានផុស

២ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

តារាកំប្លែងអ្នកនាង ប៉េង ប៉ោង ដោយសារតែរវល់ការងារស្ទើរគ្មានពេលសម្រាកនោះ បានធ្វើឲ្យសុខភាពរបស់តារាស្រីរូបនេះមានសភាពចុះខ្សោយគួរឲ្យព្រួយបារម្ភ ទើបនាងរត់ចូលពេទ្យ ដើម្បីពិនិត្យសុខភាពផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង មឿន និមល ហៅ ប៉េងប៉ោង បានបង្ហោះរូបភាពដោយរៀបរាប់ថា ដោយសារតែនាងរវល់ខំប្រឹងរកលុយពេកទើបភ្លេចគិតពីសុខភាពរហូតបណ្ដាលឲ្យធ្លាក់ខ្លួនឈឺដូច្នេះ។ អ្នកនាងលើកឡើងថា «ព្រោះតែលុយទើបខ្ញុំរវល់ច្រើន គិតច្រើន នៅឆ្ងាយពីគ្រួសារ ភ្លេចថាខ្លួនឈឺ មិនហ៊ានឈប់ មិនហ៊ានហត់ សុំទោសដែលមើលខ្លួនឯងមិនបានល្អ»។

អ្នកនាង ប៉េង ប៉ោង បានបញ្ជាក់ពីអាការជំងឺថា «ដំបូងគឺរាគផង ក្អួតផង ក្ដៅខ្លួនផង និងលើសឈាមផង តែសំណាងល្អជាតិស្ករមិនលើស កម្លាំងកាយអស់រលីង នៅសល់កម្លាំងចិត្តដែលពុកម៉ែបងប្អូនផ្ដល់ឲ្យខ្ញុំ»។ ក្នុងនោះមានអ្នកគាំទ្រ និងមិត្តភ័ក្ដិសិល្បៈមួយចំនួន បានសួរសុខទុក្ខ និងផ្ញើសារជូនពរឲ្យនាងឆាប់ជាសះស្បើយពីជំងឺផងដែរ។

គួរបញ្ជាក់ថា តារាកំប្លែង និងសម្ដែងអ្នកនាង ប៉េង ប៉ោង កន្លងមកត្រូវបានអ្នកគាំទ្រមើលឃើញថា អ្នកនាងគឺជាសិល្បការិនីមួយរូបដែលមានប្រជាប្រិយភាព និងទទួលបានការគាំទ្រច្រើនពីទស្សនិកជនគ្រប់មជ្ឈដ្ឋាន ទាំងក្នុង និងក្រៅប្រទេស។ ដោយសារតែហេតុផលនេះហើយ ទើបអ្នកនាង ប៉េង ប៉ោង ក្តាប់បានទីផ្សារសិល្បៈច្រើនគួរសមនាពេលកន្លងមក៕

អត្ថបទ ៖ ចាន់រ៉ា