បែកធ្លាយវីដេអូសិច​របស់តារារ៉េបតៃវ៉ាន់ តាមអ៊ីនធឺរណិត

វីដេអូសិចមួយរបស់តារារ៉េបតៃវ៉ាន់ Nana Liang ត្រូវបានបែកធ្លាយ និងកំពុងត្រូវអ្នកលេងបណ្ដាញសង្គមនៅក្នុងស្រុក បន្តចែកចាយយ៉ាងច្រើនលើសលុប។

តាមរយៈសារបង្ហោះនៅក្នុង Story គណនី Instagram កាលពីថ្ងៃទី១៨ ខែមេសា តារារ៉េប Nana បាននិយាយថា នាងពិតជាមានការភ័យខ្លាច និងឈឺចាប់ចំពោះរឿងរ៉ាវដែលបានកើតឡើង។ តារារ៉េបវ័យ ៣១ឆ្នាំរូបនេះ បានសរសេរថា “ខ្ញុំមិនដែលគិតថារឿងនេះនឹងកើតឡើងចំពោះខ្ញុំទេ ប៉ុន្តែអ្វីៗកើតឡើងហើយ។ ខ្ញុំពិតជាចង់គេចចេញពីរឿងទាំងអស់នេះ ហើយខ្ញុំពិតជាភ័យខ្លាចខ្លាំងណាស់” ។

Nana បន្ថែមថា វីដេអូនោះជាវីដេអូដែលអតីតមិត្តប្រុសបានលួចថត ពេលនាងស្រវឹង ហើយសន្លប់។ ប៉ុន្តែតាំងពីពេលនោះមក នាងបានសុំបែកគ្នាពីគេហើយ។ ក្រោយរឿងហេតុ មិត្តភក្តិរបស់ Nana បានលុបវីដេអូចេញពីកុំព្យូទ័រអតីតមិត្តប្រុសរបស់នាងរួចរាល់អស់ហើយ។ ទោះជាយ៉ាងណាក៏ដោយ ប៉ុន្មានឆ្នាំក្រោយមក មិត្តភក្តិរបស់ Nana បានរកឃើញវីដេអូដូចគ្នានៅលើ Cloud storage របស់បុរសនោះ ហើយក្រោយមកវាក៏ត្រូវលុបចោលម្តងទៀត។

ដោយឡែកចំពោះវីដេអូនាពេលថ្មីៗនេះ ​មិនដឹងថាវាលេចធ្លាយពីនរណា និងតាមណានៅឡើយ។ បន្ទាប់ពីឃ្លីបបានចែករំលែកយ៉ាងផុសផុល Nana បានសុំចិត្តគ្រប់គ្នាឱ្យឈប់ចែករំលែកខ្សែអាត់សិចនោះតទៅទៀត។ នាងបានព្រមានដែរថា នាងនឹងចាត់វិធានការតាមផ្លូវច្បាប់ ប្រសិនមានអ្នកបន្តផ្សព្វផ្សាយវាតទៅទៀត។

យ៉ាងណាមិញ បើតាមសម្ដីមិត្តភក្តិរបស់ Nana វីដេអូ​សិច​​ដែលទើបបែកធ្លាយ មិនមែនជាវីដេអូដែល​​ថត​កាលពី​ប៉ុន្មាន​ឆ្នាំ​មុន​ដូច​ដែល Nana និយាយ​នោះ​ទេ ពោលគឺបុរសក្នុងវីដេអូ ជាអ្នកជំនួញក្រៅប្រទេសដែលមានប្រពន្ធកូនរួចហើយ។

គួរបញ្ជាក់ថា Nana ធ្លាប់រត់ចេញពីផ្ទះតាំងពីអាយុ ១៤ឆ្នាំមកម្ល៉េះ ហើយនៅពេលនាងកំពុងគ្មានផ្ទះសម្បែង មិត្តម្នាក់បានលួចលុយនាងអស់រលីង។ ជាមួយគ្នានោះ នាងត្រូវបានគេរំលោភជាច្រើនដង ដោយសារទំនុកចិត្តរបស់នាងទៅលើពួកគេ៕

ប្រែសម្រួល៖ សន្យា

ចុចអាន៖ តារាថៃ ៥គូ ជាប់ឈ្មោះជាគូស្នេហ៍សិចស៊ីបំផុតប្រចាំឆ្នាំ

ចុចអាន៖ Park Seo Joon ធ្វើឱ្យហ្វេនលាន់មាត់សរសើរ ក្រោយបង្ហាញទង្វើជាសុភាពបុរសទៅកាន់ IU