មហាជនចាប់អារម្មណ៍លើសាររបស់ Prang សំដៅទៅអតីតមិត្តប្រុស ក្រោយមានរូបគូស្នេហ៍ជាមួយ Ploy

បន្ទាប់ពីមាន​ពាក្យចចាមអារ៉ាម​ថា​អតីតមិត្តប្រុស tong twopee កំពុងមានស្នេហា​ជាមួយរៀមច្បង Ploy Cherman មហាជនហាក់ចាប់អារម្មណ៍ខ្លាំងលើតារាសម្ដែងស្រី Prang Kannarun យ៉ាងខ្លាំង ​ក្រោយ​នាង​ទម្លាយ​សារ​មួយ​ដូច​សំដៅ​ដល់​អតីត​មិត្តប្រុស។

ជាមួយគ្នានេះដែរ កាលពី​ថ្មីៗនេះ តារាស្រី Ploy ទើបតែធ្វើឲ្យ​អ្នក​និយម​លេង​អ៊ីនធឺណិត​នៅឯប្រទេសថៃ ហាក់​ភ្ញាក់ផ្អើល​យ៉ាង​ខ្លាំង​ជាមួយ​នឹង​រូបភាពគូស្នេហ៍អមនឹងខេបសិនលើរូបភាពនោះថា”I told the stars about you” ។ ដែលនេះក៏បានធ្វើឲ្យទស្សនិកជនចូលទៅបញ្ចេញមតិគាំទ្រ ឲ្យពួកគេក្លាយជាគូស្នេហ៍ពិតៗផងដែរ។

យ៉ាងណាមិញ ក្រោយរៀមច្បង Ploy បង្ហោះមិនបានប៉ុន្មានផងស្រាប់តែ Prang បាន​បង្ហោះ​រូបភាព​ពី​ដំណើរ​កម្សាន្ត​ទៅ​ក្រៅ​ប្រទេស និង​សរសេរ​ Caption ថា “វា​អាស្រ័យ​លើ​អ្នក​ក្នុង​ការ​ព្រួយ​បារម្ភ ឬ​រីករាយ​ជាមួយ​វា នោះ​ជា​អ្វី​ទាំងអស់”។

តាមរយៈរូបភាពរបស់នាងអមនឹងខេបសិនបែបនេះ ​មិនឲ្យ​អ្នក​លេង​អ៊ីនធឺណិត​ថាមានការចាប់អារម្មណ៍យ៉ាងខ្លាំង ក្នុងនោះម្នាក់ៗបានសួរនាងថា ​តើ​ការ​បង្ហោះ​នេះ​ពាក់ព័ន្ធ​នឹង​ព័ត៌មាន​ស្នេហា​ថ្មី​របស់​អតីត​មិត្ត​ប្រុស​ឬ​អត់? ព្រោះពេលនេះតារារ៉េប tong twopee តែងតែបង្ហាញសកម្មភាពផ្អែមល្ហែមជាមួយតារាសម្ដែង ploy សឹងមិនលោះពេលឡើយ។

ទោះយ៉ាងណាតួស្រីក្នុងរឿង “បុព្វេសន្និវាស​” មិនបានធ្វើការបកស្រាយពីខេបសិនដែលនាងសរសើរលើបណ្ដាញសង្គមផ្ទាល់ខ្លួនសូម្បីតែបន្តិចណាឡើយ។ ស្របពេលដែលនាងកំពុងតែសប្បាយនឹងដំណើរកម្សាន្តនៅឯក្រៅប្រទេសបែបឯកជនធ្វើព្រងើយ៕

ប្រែសម្រួល៖ សាង ស្រីល័ក្ខ

ចុចអាន៖បវរកញ្ញា Engfa ឥតខ្វល់ការរិះគន់ បញ្ចេញ​ឈុតបុរាណសិចស៊ីលើសមុន

ចុចអាន៖បវរកញ្ញា Engfa ឥតខ្វល់ការរិះគន់ បញ្ចេញ​ឈុតបុរាណសិចស៊ីលើសមុន