ការប្រគំតន្ត្រី“Born Pink” ធ្វើឲ្យ BLACKPINK ក្លាយជាក្រុមចម្រៀងស្រីរកចំណូលបានច្រើនជាងគេក្នុង​ប្រវត្តិសាស្ត្រ

ទោះបីជាមិនទាន់មានការសន្និដ្ឋានក៏ដោយ ដំណើរការប្រគំតន្ត្រីទេសចរណ៍ពិភពលោក BORN PINK របស់ BLACKPINK បានបង្កើតប្រវត្តិសាស្ត្រពិភពលោកក្លាយជាក្រុមចម្រៀងស្រីរកចំណូលបានច្រើនជាងគេ ។

យោងតាមទិន្នន័យការប្រគំតន្ត្រីទេសចរណ៍“Born Pink” គិតត្រឹមថ្ងៃទី ២១ ខែមេសាបានឲ្យដឹងថា BLACKPINK បានក្លាយជាការប្រគំតន្ត្រីទេសចរណ៍ដែលរកចំណូលបានខ្ពស់បំផុតដោយក្រុមនារីក្នុងប្រវត្តិសាស្ត្រ។ ជាពិសេស ជាមួយ នឹងការលក់សំបុត្រប្រហែល ៣៦៦,០០០ សន្លឹកនៅក្នុងការប្រគំតន្ត្រី ២៦ ដងជាលើកដំបូង BLACKPINK ទទួលបានប្រាក់ចំណូល ៧៨.៥ លានដុល្លារអាមេរិក ដែលលើសពីម្ចាស់កំណត់ត្រាមុនគឺ Spice Girls ‘Spice World 2019 Tour” ដែលរកចំណូលបាន ៧៨.២ លានដុល្លារ ។

ក្នុងពេលជាមួយគ្នានេះ ប្រាក់ចំណូលសរុបនៃការប្រគំតន្ត្រី “Born Pink” ត្រូវបានគេរំពឹងថានឹងកើន ឡើងខ្ពស់ជាងនេះ ដោយមានទីក្រុងផ្សេងៗទៀតនៅសល់ រួមទាំងការធ្វើប្រគំតន្ត្រីឡើងវិញនៅទី ក្រុងធំៗរបស់អាមេរិកខាងជើងដូចជា MetLife New Jersey, Allegiant Las Vegas, Oracle Park San Francisco, និង Dodger Los Angeles ។

ម៉្យាងវិញទៀត BLACKPINK ថ្មីៗនេះបានបង្កើតប្រវត្តិសាស្ត្រជាក្រុមចម្រៀង Kpop ដំបូងបង្អស់បានជាសិល្បៈករជួរមុខក្នុងកម្មវិធីមហោស្រពតន្ត្រី Coachella ដ៏ធំនិងល្បីល្បាយរបស់សហរដ្ឋអាមេរិក៕

ប្រែសម្រួល៖នាងតូច

ចុចអាន៖ការលាចាកលោករបស់ Moonbin ធ្វើឲ្យអ្នកគាំទ្រ K-pop រំលឹកដល់ Sulli