ជីវិតកម្សាន្ដ

មន្រ្តីយោធាឆ្លើយតបជុំវិញមតិរិះគន់ចំពោះការអនុគ្រោះដល់ J-Hope ពេលចូលបន្ទាយ

បានផុស

២ years មុន

នៅ

ថ្ងៃសុក្រ ២១ មេសា ២០២៣

ដោយ

Sonya

បន្ទាប់ចូលបំពេញកាតព្វកិច្ចយោធារបស់តារាចម្រៀង J-hope សមាជិក BTS កាលពីថ្ងៃទី១៨ ខែមេសា ស្រាប់តែលេចឮពាក្យចចាមអារ៉ាមថា លោកបានទទួលការអនុគ្រោះ ពេលចូលទៅបន្ទាយហ្វឹកហាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី២១ ខែមេសា មានសេចក្តីរាយការណ៍ថា មន្ត្រីជាន់ខ្ពស់នៃជួរកងទ័ពបានផ្តល់ការអនុគ្រោះដល់ J-hope ដែលបានចូលទៅក្នុងអង្គភាព Baekho នៃមជ្ឈមណ្ឌលហ្វឹកហ្វឺន ជ្រើសរើសកងពលលេខ ៣៦ នៅខេត្ត Gangwon ។

តាមសេចក្តីរាយការណ៍បានឲ្យដឹងថា នៅថ្ងៃចូលបម្រើការងារ មានការតាំងបង្ហាញអេឡិចត្រូនិកនៅច្រកចូលអង្គភាព Baekho ដែលសរសេរថា «មានតែយានជំនិះមួយប៉ុណ្ណោះអាចចូលក្នុងអង្គភាពបាន»។ លើសពីនេះ យានជំនិះដែលចូល និងចេញតាមច្រកចូល ត្រូវបានបញ្ឈប់ម្តងមួយៗ និងផ្តល់សំបុត្រ បន្ទាប់ពីពួកគេបានជូនដំណឹងអំពីការចុះឈ្មោះចូលបម្រើការងាររួចរាល់។

ប៉ុន្តែករណីនេះបែរជាត្រូវបានលើកលែងចំពោះ J-hope ពេលចូលបន្ទាយ ខណៈប្រព័ន្ធផ្សព្វផ្សាយបានឃើញរថយន្តដល់ទៅ ៦គ្រឿង មកពីភ្នាក់ងាររបស់គាត់ HYBE ចូលមកក្នុងអង្គភាព ដែលនេះបង្កឱ្យមតិរិះគន់ថា មន្ត្រីយោធាមានភាពលម្អៀងចំពោះតារាល្បី ដោយអនុញ្ញាតឱ្យរថយន្តជាច្រើនគ្រឿងអាចបើកបរចូលបន្ទាយបាន ស្របពេលដែលយោធាផ្សេង បែរជាអនុញ្ញាតឱ្យរថយន្តតែមួយទោវិញ។

ជាការឆ្លើយតប មន្ត្រីយោធាបានបញ្ជាក់ថា ការជូនដំណឹងអំពីរថយន្តតែមួយ មិនមែនជាច្បាប់អនុវត្តដាច់ខាតនោះទេ ប៉ុន្តែវាគឺសម្រាប់គោលបំណងសុវត្ថិភាព ហើយនរណាក៏អាចនាំយករថយន្តលើសពីមួយ ប្រសិនបើចាំបាច់។

ការជូនដំណឹងអំពីយានយន្តតែមួយ គឺសម្រាប់គោលបំណងត្រួតពិនិត្យសុវត្ថិភាព ប៉ុន្តែមិនមានការណែនាំ ឬបទប្បញ្ញត្តិណាមួយដែលត្រូវបានបង្ខិតបង្ខំនោះទេ។ ទាហានទូទៅក៏អាចចូលជាមួយយានជំនិះច្រើនក្នុងកាលៈទេសៈដែលមិនអាចចៀសបានដែរ។ មិនមានការរឹតបន្តឹងលើចំនួនសមាជិកគ្រួសារ មិត្តភក្តិ ឬភ្ញៀវនៃទាហានចុះឈ្មោះអាចចូលបាននោះទេ៕

ប្រែសម្រួល៖ សន្យា

ចុចអាន៖ បែកធ្លាយវីដេអូសិចរបស់តារារ៉េបតៃវ៉ាន់ តាមអ៊ីនធឺរណិត

ចុចអាន៖ ប្រវត្តិនិងស្នាដៃខ្លះៗរបស់ Moonbin សមាជិក Astro មុនពេលលោកទទួលមរណភាព