អ៊ីងហ្វា ស្រែកភ្លាត់សំឡេង ​ក្រោយជួប Idol សំណព្វតាំងពីក្មេងៗ

បវរកញ្ញា អ៊ីងហ្វា វ៉ារ៉ាហា ម្ចាស់មកុដ Miss Grand ថៃ ឆ្នាំ២០២២ ទប់អារម្មណ៍រំភើបមិនបាន រហូតស្រែកភ្លាត់សំឡេង បន្ទាប់ពីបានជួបអាយដលសំណព្វរបស់នាងតាំងពីក្មេងៗមក ​នោះគឺតារាសម្ដែងប្រុសជួរមុខ Mario Maurer ។

នៅក្នុងកម្មវិធីថ្មីមួយដែលមានឈ្មោះថា “HELLO ENGFA” ទើបតែដំណើរការរដូវកាលទី១ ​ដោយមានបវរកញ្ញា អ៊ីងហ្វា ជាពិធីការិនី ត្រូវបានអ្នករៀបចំកម្មវិធីបង្កការភ្ញាក់ផ្អើល ដោយគេបានអញ្ជើញលោក Mario Maurer ជាភ្ញៀវកិត្តិយស។ ក្រោយឃើញវត្តមានរបស់តារារៀមច្បងរូបនេះ អ៊ីងហ្វា ពិតជាភ្ញាក់ផ្អើលខ្លាំង ហើយនាងស្រាប់តែស្រែកយ៉ាងរំភើប ព្រោះ Mario ជាតារាប្រុសដែលនាងស្រឡាញ់គាំទ្រអស់រយៈពេលរាប់ឆ្នាំមកហើយ។

គួរបញ្ជាក់ថា ​កម្មវិធី “HELLO ENGFA” ជាកម្មវិធីទើបសម្ភោធរដូវកាលទី១ ភាគ១ ដែលមានបវរកញ្ញា អ៊ីងហ្វា ជាពិធីការិនី ដោយកម្មវិធីបង្កើតឡើងដើម្បីជជែកគ្នាលេងពីនេះពីនោះជាមួយ​តារាកិត្តិយសល្បីៗនៅក្នុងប្រទេស ខណៈភ្ញៀវដំបូងគឺតារាសម្ដែង Mario Maurer ។ បន្ទាប់ជួបសម្ភាសន៍ជាមួយ Mario ទាំងតារាកិត្តិយស ​ទាំងពិធីការិនី ​បាននាំគ្នាផ្លាស់សម្លៀកបំពាក់ជាសិស្សសាលា នៅក្នុងរឿង Frist Love ហើយពេលនេះរូបភាពរបស់អ្នកទាំងពីរកំពុងទទួលការគាំទ្រខ្លាំងនៅលើបណ្ដាញសង្គម Twitter ថៃ៕

ប្រែសម្រួល៖ សន្យា

ចុចអាន៖ ទិនហ្វីទម្លាយអារម្មណ៍ពិតថា លោកចូលចិត្ត Lisa ខ្លាំងបំផុត

ចុចអាន៖ Mai Davika បង្អួតភូមិគ្រឹះថ្មី តម្លៃជាង ២០០លានបាត