ទង្វើរបស់ Tong លើ Ploy បញ្ជាក់ច្បាស់ថា ពួកគេលែងជាមិត្តនឹងគ្នា

ទោះបីមកដល់ពេលនេះ ទំនាក់ទំនងស្នេហារបស់ Ploy Cherman និង Tong Twopee មិនទាន់ប្រកាសជាផ្លូវការប្រាប់សាធារណជនពិតមែន ប៉ុន្តែទង្វើពួកគេទាំងពីរបញ្ជាក់ច្បាស់ៗថា ពួកគេមិនមែនត្រឹមជាមិត្ត ដូចការអះអាងកន្លងមកនោះទេ។

ថ្វីត្បិតថ្មីៗនេះ តារាសម្ដែង Ploy Cherman បានបង្ហោះសារមួយហាក់ចង់បង្ហាញថា ខ្លួន និង Tong  លើសពីមិត្ត និងលើសពីបងប្អូន ប៉ុន្តែដរាបណាមិនមានការបញ្ជាក់ច្បាស់ៗផ្ទាល់មាត់ពីសាមីខ្លួនទាំងពីរ ទស្សនិកជននៅតែមន្ទិលសង្ស័យ ខណៈពាក្យចចាមអារ៉ាមស្នេហារបស់ពួកគេ ក៏នៅតែបន្តចែករំលែកពេញបណ្ដាញសង្គម។

យ៉ាងណាមិញ តាមរយៈឃ្លីបដែល Ploy ទើបបង្ហោះថ្មីចុងក្រោយនេះ បានធ្វើឱ្យទស្សនិកជនលែងសង្ស័យទៀតហើយ ព្រោះសកម្មភាពដែលបានឃើញ ស្ដែងយ៉ាងច្បាស់ថា ​តារាទាំងពីររូបពិតជាស្រឡាញ់គ្នាប្រាកដមែន។ ក្នុងឃ្លីបទស្សនិកជនបានឃើញ ​Tong កំពុងបង្ហាញថ្វីដៃធ្វើម្ហូបជាពិសេសជូន Ploy សម្រាប់អាហារពេលល្ងាច។

សកម្មភាពនេះ បានធ្វើឱ្យអ្នកគាំទ្រលាន់មាត់ថាផ្អែមគ្រប់គ្នា ហើយសង្សឹមថា ពួកគេនឹងក្លាយជាគូស្នេហ៍ផ្លូវការឆាប់ៗនេះផងដែរ៕

ប្រែសម្រួល៖ សន្យា  

ចុចអាន៖ រៀមច្បង Ploy ប្រកាសពីទំនាក់ទំនងរបស់នាងជាមួយតារារ៉េប Tong ច្បាស់ការហើយ

ចុចអាន៖ អ៊ីងហ្វា ស្រែកភ្លាត់សំឡេង ​ក្រោយជួប Idol សំណព្វតាំងពីក្មេងៗ