ជីវិតកម្សាន្ដ

មាស សុខសោភា អរស្ទើរហោះពេលជួបសម្តេចកិត្តិព្រឹទ្ធបណ្ឌិត

បានផុស

៣ years មុន

នៅ

ថ្ងៃអង្គារ ១៩ មករា ២០២១

ដោយ

តារាចម្រៀងស្រីសំនៀងផ្អែមពិរោះ មាស សុខសោភា បានបង្ហាញពីអារម្មណ៍រំភើប និងរីករាយខ្លាំងក្រោយពេលនាងត្រូវបានផ្តល់ការអនុញ្ញាតដ៏ខ្ពស់ខ្ពស់ពីសំណាក់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដើម្បីចូលជួបសម្តែងការគួរសម និងថែមទាំងបានថតរូបអនុស្សាវរីយ៍ជាមួយសម្តេចទៀត ផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រី មាស សុខសោភា អំឡុងពេលបានចូលជួបសម្តែងការគួរសមនិងថតរូបអនុស្សាវរីយ៍ជាមួយសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន នេះដែរបើក្រឡេកមើលពីទឹកមុខ គឺនាងមិនត្រឹមតែ មានស្នាមញញឹមស្រស់ស្រាយនោះទេ តែថែមទាំងបង្ហាញការដឹងគុណដ៏ខ្ពស់ខ្ពស់របស់សម្តេចទៀតផង។ មាស សុខសោភា បានប្រាប់ឲ្យដឹងដូច្នេះថា «ពិតជាមហាកិត្តិយសរបស់នាងខ្ញុំដែលបានជួបសម្តែងការគួរសមជាមួយម៉ែធំ និងបានថតរូបអនុស្សាវរីយ៍ជាមួយអ្នកម៉ែ។ ខ្ញុំសូមអរគុណដល់ម៉ែធំដែលយកចិត្តទុកដាក់ស្រលាញ់ចំពោះកូនៗដែលជាសិល្បកររៀបចំគ្រប់សព្វបែបយ៉ាងរួមទាំងអាហារពេលល្ងាចនៅក្នុងកម្មវិធី។ សូមគោរពជូនពរអ្នកម៉ែឲ្យទទួលបានសុខភាពល្អ និងជោគជ័យគ្រប់ពេលវេលា។ ដោយក្តីគោរពដ៏ខ្ពង់ខ្ពស់អំពីកូន មាស សុខសោភា »។

តារាចម្រៀងអ្នកនាង មាស សុខសោភា ថ្វីត្បិតតែនាងបានសម្រេចចិត្តចេញពីទ្រនំផលិតកម្មថោនក៏ពិតមែន ប៉ុន្តែសម្រាប់ទីផ្សាសិល្បៈ ទាំងការគាំទ្រ និងប្រជាប្រិយភាព គឺតារាស្រីរូបនេះ នៅតែរក្សាបានសន្ទុះខ្លាំងមិនចាញ់តារារួមជំនាន់ឯទៀតនោះឡើយ។ម្យ៉ាងទៀត មាស សុខសោភា កន្លងមកក៏តែងទទួលបានការលើកសរសើរចំពោះទឹកចិត្តសប្បុរសធម៌ និងរាក់ទាក់ផងដែរ៕

អត្ថបទ ៖ ចាន់រ៉ា