មិនទាន់ធំផង Weir កំណត់អាយុឱ្យកូនស្រីមានមិត្តប្រុសបាត់

បន្ទាប់ពីរៀបការ តារាសម្ដែង Weir Sukolwat និងភរិយា Vicky បានទទួលចំណងដៃកូនស្រីជាទីស្រឡាញ់ម្នាក់ គឺនាងតូច Wylin ។ Wylin ជាកូនស្រីដំបូងដែលប៉ាប៉ាថ្មោងថ្មីស្រឡាញ់ថ្នាក់ថ្នម ដល់ថ្នាក់លោកសុខចិត្តផ្អាកការងារសិល្បៈ ដើម្បីបាននៅផ្ទះថែទាំកូនស្រីឱ្យពេញដៃពេញជើង។

ជារឿយៗ Weir តែងតែបង្ហោះរូប និងវីដេអូផ្សេងៗ បង្ហាញពីការមើលថែ Wylin បាន​យ៉ាងល្អ ខណៈថ្មីៗនេះ លោកបាននិយាយអំពីអនាគតកូនស្រីពេលនាងធំឡើង នឹងត្រូវឱ្យនាងមានមិត្តប្រុសនៅអាយុប៉ុនណា។ ឆ្លើយសំណួរ តាមរយៈវីដេអូឃ្លីប Weir ប្រាប់ថា លោកព្រមឱ្យកូនស្រីមានមិត្តប្រុស ​ទាល់តែនាងដល់អាយុ ៣០ឆ្នាំ។ បន្ថែមពីលើការអះអាងបែបនេះ ​លោកថែមទាំងសរសេរកិច្ចសន្យា ដោយរួមមានទាំងស្នាមមេដៃ​ និងសាក្សីទៀតផង។

បន្ទាប់ពីទស្សនាវីដេអូដែល Weir កំណត់អាយុមានមិត្តប្រុសរបស់ Wylin អ្នកគាំទ្រកាន់តែចាប់អារម្មណ៍លើគ្រួសារនេះ និងពោលសរសើរថា លោកពិតជាស្រឡាញ់កូនស្រីជាទីបំផុត៕

ប្រែសម្រួល៖ សន្យា

ចុចអាន៖ អំណោយដែលប៉ុស្តិ៍លេខ ៧ ផ្ញើដល់ផ្ទះ ដល់ថ្នាក់ត្រូវ Weir ថតបង្អួតអ្នកគាំទ្រ

ចុចអាន៖ អ៊ីងហ្វា ស្រែកភ្លាត់សំឡេង ​ក្រោយជួប Idol សំណព្វតាំងពីក្មេងៗ