ជីវិតកម្សាន្ដ

បវរកញ្ញា ថៃ និង វៀតណាម សុទ្ធតែរងនូវពាក្យជេរប្រមាថ ពីសំណាក់មហាជនដូចគ្នា

បានផុស

២ years មុន

នៅ

ថ្ងៃពុធ ២៦ មេសា ២០២៣

ដោយ

ម្ចាស់មកុដ Miss Grand International 2021 នាង Nguyễn Thúc Thùy Tiên និងម្ចាស់ជយលាភី Miss Grand Thailand ព្រមទាំងជាលំដាប់រង Miss Grand International ឆ្នាំ ២០២២ បវរកញ្ញា Engfa Waraha សុទ្ធតែមានរឿងរ៉ាវស្រដៀងគ្នា ពាក់ព័ន្ធនឹងការជេរប្រមាថពីសំណាក់អ្នកលេងអ៊ីនធឺណិតកប់ៗមាត់ ពីរឿងតុបតែងខ្លួន។

ដោយឡែកកាលពីពេលថ្មីៗនេះ បវរកញ្ញាថៃ Engfa Waraha បានបង្ហោះរូបភាពថ្មី ជាមួយនឹងរូបរាងប្លែកខុសពីមុនដែលមនុស្សជាច្រើនស្ទើរតែមើលមិនស្គាល់ថាជានាងផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាជិនីសម្រស់កើតក្នុងឆ្នាំ ១៩៩៥ រូបនេះ បានជ្រើសរើសពាក់សក់ពណ៌លឿងខ្លីបាំងមុខ ដើម្បីជួយឲ្យមើលទៅក្មេងជាងវ័យប៉ុន្មានឆ្នាំ។ ទោះជាយ៉ាងណាក៏ដោយ ជាទូទៅគំរូសក់នេះគឺខុសពីធម្មជាតិ ហើយមិនមានសភាពទន់ដូចសក់ពិតៗនោះទេ។ នាងត្រូវបានអ្នកលេងអ៊ីនធឺណិតចេញមកមកពន្លះថា នាងមិនត្រឹមលេងខ្លួនសិចស៊ីជ្រុលហួសហេតុពេលឡើងឆាកម្ដងៗនោះទេ។ ក្នុងនោះ Engfa ក៏មានការតុបតែងខ្លួនខុសពីរូបដើម រហូតមើលទៅមិនសមនឹងរូបរាងនាងទាល់តែសោះឡើយ។

ចំណែកឯនាង Thuy Tien ក៏ជាជនរងគ្រោះនៃការពាក់សក់ដូចគ្នាផងដែរ ខណៈពេលធ្វើដំណើរទៅប្រទេសថៃ ដោយទៅចូលរួមកម្មវិធីជាមួយលោក ណាវ៉ាត់។ រាជិនីសម្រស់កើតឆ្នាំ ១៩៩៨ ម្តងនេះ ត្រូវក្រុមអ្នករៀបចំឲ្យនាងពាក់សក់ពណ៌ស្រាលបាំងមួយចំហៀងមុខ រហូតធ្វើឲ្យមានការរិះគន់ថា សក់ដែលនាងពាក់មិនស៊ីនឹងមុខទាល់តែសោះ។ លើសពីនេះ សក់នាងពាក់ក៏បានធ្វើឲ្យមុខបវរកញ្ញាវៀតណាមរូបនេះកាន់តែចាស់ជាងវ័យថែមទៀតផង៕