សម្រាលកូនបាន ៥ខែ តារាសម្ដែង Son Ye Jin ប្រកាសវិលចូលសិល្បៈវិញ

តារាសម្ដែងជួរមុខកូរ៉េខាងត្បូង Son Ye Jin តួឯកស្រីក្នុងខ្សែភាពយន្តរឿង “Crush Landing On You” បានវិលត្រឡប់​មក​ធ្វើ​ការ​លើវិស័យសិល្បៈវិញ បន្ទាប់ពីសម្រាលកូនប្រុសដំបូងបានរយៈពេល ៥ខែ។

នៅថ្ងៃទី២៧ ខែមេសា មានសេចក្តីរាយការណ៍ថា តារាស្រីវ័យ ៤១ឆ្នាំរូបនេះ នឹងវិលចូលវិស័យសិល្បៈវិញ តាមរយៈការផ្សាយពាណិជ្ជកម្ម ក្រោយពេលសម្រាលកូនតាំងពីខែវិច្ឆិកា ឆ្នាំ២០២២។ នេះបើតាមការបញ្ជាក់ពីតំណាង​របស់​នាង។

តំណាងក្រុម MS បានអះអាងថា Son Ye Jin តែងតែមើលថែខ្លួនឯង និងសុខភាពផ្ទាល់ខ្លួនបានយ៉ាងល្អ ក្រោយពេលសម្រាលកូនរួច។ នាងនឹងចាប់ផ្តើមការផ្សព្វផ្សាយពាណិជ្ជកម្មឱ្យអាហារបំប៉នរបស់ម៉ាកយីហោដ៏ល្បីមួយ។ ជាមួយគ្នានោះ អ្នកតំណាង រំពឹងថាការវិលត្រឡប់របស់ Son Ye Jin នឹងទទួលបានការគាំទ្រ ដូចកាលនាងនៅលីវអ៊ីចឹងដែរ៕

ប្រែសម្រួល៖ សន្យា

ចុចអាន៖ ប្ដីប្រពន្ធ Bin-Jin បង្ហោះរូបគូ អបអរខួបអាពាហ៍៍ពិពាហ៍មួយឆ្នាំ លុបបំបាត់ពាក្យចចាមអារ៉ាមលែងលះ

ចុចអាន៖ ធ្លាយវីដេអូស្និទ្ធស្នាលរវាង Pinky និង Tui ក្រោយល្បីថារស់នៅក្រោមដំបូលតែមួយ