ជីវិតកម្សាន្ដ

ក្រុមចម្រៀងនារី Kpop ជំនាន់ទី ៣ កំពុងមានទីផ្សារនៅអន្តរជាតិ

បានផុស

២ years មុន

នៅ

ថ្ងៃសុក្រ ២៨ មេសា ២០២៣

ដោយ

ក្រុមចម្រៀងនារី Kpop ជំនាន់ទី៣កំពុងវាយលុកទីផ្សារអន្តរជាតិ ដោយបញ្ជាក់ពីភាពល្បីល្បាញទូទាំងពិភពលោក ហើយបច្ចុប្បន្ននេះ ក្រុមចម្រៀងនារីជំនាន់ទីបីនេះដែលមានប្រជាប្រិយភាព បង្កើតការចាប់អារម្មណ៍ជាសកលជាពិសេស ។

ខាងក្រោមនេះគឺជាក្រុមចម្រៀងនារី Kpop ជំនាន់ទី ៣ កំពុងមានទីផ្សារនៅអន្តរជាតិ៖

១. ក្រុម TWICE

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការប្រកាសថាសមាជិកទាំងអស់បានបន្តកិច្ចសន្យារបស់ពួកគេ TWICE បានចាប់ផ្តើមដំណើរប្រគុំតន្រ្តីទេសចរណ៍ពិភពលោកលើកទី ៥ “READY TO BE” ជាមួយនឹងការសម្តែងនៅទីក្រុង សេអ៊ូលនៅថ្ងៃទី ១៥ និង ១៦ ខែមេសា។ ចាប់ពីខែឧសភាក្រុមនេះនឹងវាយលុកទីក្រុងនានាទូទាំង ប្រទេសអូស្ត្រាលី ជប៉ុន និងអាមេរិកខាងជើងម្តងមួយៗ លើសពីនេះទៅទៀត សំបុត្រចូលទស្សនាការប្រគុំតន្ត្រីរបស់ TWICE នៅតាមទីក្រុងធំៗដូចជា MetLife Stadium និង SoFi Stadium ត្រូវបានលក់អស់ក្នុងលឿនបំផុត ដែលធ្វើឱ្យក្រុមចម្រៀងនារី JYP ក្លាយជាតារាស្រី Kpop ដំបូងគេដែលសម្រេចបាននូវស្នាដៃបែបនេះ ។

២. ក្រុម BLACKPINK

ម៉្យាងវិញទៀត BLACKPINK ថ្មីៗនេះបានបង្កើតប្រវត្តិសាស្ត្រជាសិល្បករ Kpop ដំបូងគេដែលជាសិល្បៈករជួរមុខបានសម្តែងក្នុងកម្មវិធី Coachella Valley Music and Arts Festival ។ ជាមួយនឹងការសម្តែងការប្រគុំតន្ត្រីចំនួន ២៦ លើនៅ ១៨ ទីក្រុង (កំពុងដំណើរការ) ការប្រគុំតន្ត្រីទេសចរណ៍ ពិភពលោករបស់ BLACKPINK ក៏បានបំបែកឯតទគ្គកម្ម ហើយបានក្លាយជាការប្រគំតន្ត្រីទេសចរ ណ៍ដែលរកចំណូលបានខ្ពស់បំផុតក្នុងប្រវត្តិសាស្ត្រសម្រាប់ក្រុមនារី ។

៣. ក្រុម Mamamoo

សម្រាប់កៅអីដែលទិញជាមុនសម្រាប់ការប្រគុំតន្ត្រីរបស់ Mamamoo ត្រូវបានលក់អស់ភ្លាមៗនៅ ពេលដែលការលក់សំបុត្រត្រូវបានបើក ជាមួយនឹងការសំដែងត្រូវបានធ្វើឡើងនៅទូទាំង ៩ ទីក្រុង របស់សហរដ្ឋអាមេរិក។ ជាងនេះទៅទៀត Mamamoo ក៏បង្ហាញពីភាពល្បីល្បាញរបស់ពួកគេនៅ អាស៊ីផងដែរ ដោយMamamoo បានរៀបចំការសម្តែងសរុបចំនួន ១៥ នៅក្នុងទីក្រុងអាស៊ីចំនួន ៩ ហើយបំពេញគ្រប់កន្លែងនៅទីក្រុងពួកគេសម្តែង ។

៤. ក្រុម Red Velvet

ទន្ទឹមនឹងនេះ ក្រុម Red Velvet បានធ្វើការប្រគុំតន្ត្រីលើកទីបួនរបស់ពួកគេ “R to V” នេះជាការប្រគុំ តន្ត្រីដំបូងរបស់ Red Velvet ដែលពួកគេអាចជួបអ្នកគាំទ្រដោយផ្ទាល់។ការប្រគុំតន្ត្រីចុងក្រោយនៅ ទីក្រុងសេអ៊ូលក៏ត្រូវបានផ្សាយបន្តផ្ទាល់តាមអ៊ិនធរណេតនៅលើវេទិកាសកល Beyond LIVE ដែល ទាក់ទាញទស្សនិកជនមកពីជុំវិញ ៩០ ប្រទេសជុំវិញពិភពលោក។ ម៉្យាងវិញទៀតក្រុមចម្រៀងនារីត្រូវបានគេស្គាល់ថាផ្តោតលើការសម្តែងនៅក្រៅប្រទេស។ ថ្មីៗនេះ ពួកគេបានបញ្ចប់ដំណើរទស្សន កិច្ចនៅសហរដ្ឋអាមេរិករបស់ពួកគេក្នុងខែមីនា ហើយបានធ្វើការសម្តែងនៅទូទាំង ៩ ទីក្រុង ៕

ប្រែសម្រួល៖នាងតូច

ចុចអាន៖បង្ហាញខ្លួនមិនបានមួយឆ្នាំ សមាជិកទាំងអស់នៃក្រុម NewJeans ក្លាយជាទូតសុឆន្ទៈឲ្យប្រេនល្បីៗ