បងស្រី Kim Kardashian បកអាក្រាតប្អូនស្រីថា ព្យាយាមយកមង្គលការរបស់ខ្លួនបន្លំជាការរកស៊ី

តារាបង្ហាញម៉ូដ Kourtney Kardashian បកអាក្រាតប្អូនស្រី Kim Kardashian គ្មានទុកមុខថាបានព្យាយាមបង្វែរអាពាហ៍ពិពាហ៍របស់នាងទៅជាឱកាសអាជីវកម្ម ដើម្បីរកផលចំណេញឱ្យខ្លួនឯង។

តាំងពីរៀបការរួច នៅអំឡុងឆ្នាំ២០២២មក តារាស្រីវ័យ ៤៤ឆ្នាំរូបនេះ មិនបាននិយាយអវិជ្ជមានអ្វីអំពីសាច់ញាតិខ្លួនឯងឡើយ ទើបតែថ្មីៗនេះ នាងស្រាប់តែចោទប្រកាន់ Kim ថាបានព្យាយាមរកប្រាក់ចំណេញពីពិធីរៀបការរបស់នាងជាមួយស្វាមី Travis Barker។

និយាយនៅក្នុងកម្មវិធីសម្ភាសន៍មួយតារាបង្ហាញម៉ូដ Kourtney Kardashian ថា “ប្អូន​ស្រី​ខ្ញុំ​ប្រើ​ពិធី​មង្គលការ​របស់​ខ្ញុំ​ជា​ឱកាស​អាជីវកម្ម” ។ យ៉ាងណាមិញ Kourtney មិនបញ្ជាក់ពីការកេងប្រវ័ញ្ចនោះជាអ្វីឡើយ ប៉ុន្តែតាមការប៉ាន់ស្មាន ទំនងរឿងរ៉ូបអាពាហ៍ពិពាហ៍។

ដោយឡែក ក្រោយផ្ទុះរឿងអាស្រូវគ្រួសារ Kendall Jenner ដែលជាប្អូនស្រីទី៤ បានចេញមុខមកនិយាយសម្រុះសម្រួលជាមួយ Kim អំពីការចោទប្រកាន់របស់ Kourtney ។ ភ្លាមៗ Kim ឆ្លើយតប​ថា នាង​មិន​បាន​ព្យាយាម​ធ្វើកិបកេង​អ្វីពី​បង​ស្រី​របស់​នាងនោះទេ ហើយក៏គ្មានចេតនាបង្កើតអាម្មណ៍អាក់អន់ចិត្ត​ជាមួយ Kourtney នោះដែរ។ រឿងនេះទំនងមកពីមានការយល់ច្រឡំអ្វីមួយមិនខាន៕

ប្រែសម្រួល៖ សន្យា

ចុចអាន៖ Kim Kardashian នឹងធ្វើជាមេធាវី ក្រោយលាឈប់ពីសិល្បៈ

ចុចអាន៖ Angelina Jolie និង Maddox បង្ហាញវត្តមានក្នុងពិធិជប់លៀង នៅសេតវិមាន