អតីតាតារាសម្តែង ចាន់ សុ​ផា​នី ស្រែក​រក​ជំនួយ​ក្រោ យទ្រាំទ្រដោះស្រាយជីវភាពលែងបាន

អ្នកគាំទ្រ និងមិត្តភក្តិនៅក្នុងចង្កោមសិល្បៈ បានដឹងហើយថា អតីតតារាសម្តែង និងពិធីការិនីអ្នក នាង ចាន់ សុផានី បានឃ្លាតឆ្ងាយពីវិថីសិល្បៈច្រើនឆ្នាំមកហើយចាប់តាំងពីផ្ទុះរឿងរ៉ាវបែកបាក់ស្វាមីដែលជាតារាចម្រៀងគឺលោកហ្សូណូដោយបានបន្សល់ទុកកូនស្រីម្នាក់ឲ្យនាងជាអ្នករ៉ាប់រងការចិញ្ចឹមមើលថែ។

ប្រាកដណាស់បន្ទាប់ពីស្ពាយឈ្មោះជាស្ត្រីមេម៉ាយ អតីតតារាស្រីរូបនេះមិនដែលត្អូញត្អែរស្រែករកជំនួយចិញ្ចឹមកូនស្រីនេះទេ។ ប៉ុន្តែពេលនេះបានធ្វើឲ្យមានការភ្ញាក់ផ្អើល ​ខណៈអតីត​តារា​សម្តែង​អ្នក​នាង ចាន់ សុ​ផា​នីបាន​ចេញ​មុខ​ប្រកាស​ជា​សាធារណៈ​សុំ​ជំនួយ​ពី​អតីត​ស្វាមី​ក្នុង​ពេល​ដែល​នាង​កំពុង​ជួប​ការ​លំបាក​ខ្លាំង​លើ​ផ្នែក​ជីវភាព​នា​ពេល​ប​ច្ចុប្បន្ន​​នេះ​។

អ្នកនាង ចាន់ សុផានីបានទម្លាយអារម្មណ៍លំបាកនៅលើបណ្ដាញសង្គមឱ្យមហាជនបានដឹងថា បច្ចុប្បន្ននាងកំពុងតែជួបការលំបាក និងខ្វះខាតក្នុងនោះដែរ កូនស្រីអ្នកនាងកំពុងប្រឈមនឹងជំងឺបាក់ទឹកចិត្ត ហើយចង់ជួបមុខឪពុកគឺលោក ហ្សូណូ ប៉ុន្តែមិនអាចឱ្យពួកគេទំនាក់ទំនងបានទេ។

តាមខ្លឹមសាររបស់អ្នកនាង ចាន់ សុផានី បានរៀបរាប់ថា ភាពស្រស់ស្អាតផូរផង់ឥតខ្ចោះរបស់ខ្ញុំវាគ្រាន់តែជាសំបកក្រៅតែប៉ុណ្ណោះពេលនេះម៉ោងនេះខ្ញុំស្ទេីរតែរលំហេីយវិនាទីនេះខ្ញុំបាក់ទឹកចិត្តខ្លាំងណាស់​។

អ្នកនាងនិយាយថា បេីមិនយល់ទាស់ទេមានបងប្អូនណាមានមេត្តាឱ្យខ្ញុំផងជួយខ្ញុំផងខ្ញុំពិតជាត្រូវការជំនួយដ៏ពិតប្រាកដមួយជួយដោះស្រាយរឿងខ្ញុំ និងអតីតរបស់ខ្ញុំដេីម្បីជាជំនួយដល់កូនក្នុងជីវភាពររស់នៅប្រចាំថ្ង។

ពួកខ្ញុំពិតជាពិបាកណាស់ក្នុងពេលដែលអតីតរបស់ខ្ញុំរត់គេចពីបញ្ហាយកស្រណុកស្រួលម្នាក់ឯងហុឺរហារសប្បាយអស់រយៈពេល១០ឆ្នាំហេីយដោយមិនអេីរពេីរខ្វល់ខ្វាយពីកូនទុកឱ្យខ្ញុំទទួលខុសត្រូវម្នាក់ឯង។

ពេលនេះខ្ញុំទ្រាំលែងបាន និងស្រែករកជំនួយផ្លូវច្បាប់ឱ្យជួយដល់នាងខ្ញុំផងព្រោះពេលនេះខ្ញុំអត់មានលទ្ធភាព និងមានជីវភាពទីទាល់ខ្លាំងណាស់។

តារាស្រីរូបនេះបញ្ជាក់ថា កូននាងខ្ញុំព្យាយាមទំនាក់ទំនាក់ទំនងទៅប៉ា របស់គេខ្លាំងណាស់តែគេមិនអាចអោយពួកយេីងទំនាក់ទំនងបានទេហេីយពេលនេះកូននាងខ្ញុំប៉ះពាល់អារម្មណ៍ ផ្លូវចិត្តជាខ្លាំងព្រោះនាងភ័យខ្លាចប៉ះពាល់ការសិក្សាររបស់នាងដោយជីវភាពលំបាករបស់នាងខ្ញុំក្នុងពេលនេះ។

សូមមេត្តាជួយនាងខ្ញុំផងវាជាការអាម៉ាស់ណាស់ហេីយក៏មិនចង់ឱ្យមានការបាត់បង់កិត្តិយសអ្នកណាម្នាក់នោះទេតែពេលនេះពិតជាអស់ជម្រេីសហេីយខ្ញុំត្រូវតែរកជំនួយដេីម្បីអនាគតកូន។

អ្នកនាងនិយាយទៀតថា នេះជាលេីកដំបូងហេីយដែលខ្ញុំសម្រេចចិត្តបែបនេះព្រោះកូនស្រីខ្ញុំលែងសូមឱ្យខ្ញុំទុកមុខឱ្យប៉ារបស់គាត់ហេីយគាត់និយាយថា យេីងគួរតែធ្វេីម៉ាក់ព្រោះគាត់អត់បានយល់ពីយេីងទេអាណិតកូនស្រីណាស់ហេីយអ្វីដែលខ្ញុំភ័យបំផុតពេលនេះគីកូនស្រីខ្ញុំកំពុងប្រឈមនិងជំងឺបាក់ទឹកចិត្ត។ សូមមេត្តាជួយដល់ពីរនាក់ម្តាយកូនខ្ញុំផងដេីម្បីអនាគត់ក្មេងស្រីម្នាក់។

ពាក់ព័ន្ធ​បញ្ហា​ខាងលើ​នេះ​ដែរអ្នក​នាង ចាន់ សុ​ផា​នី បាន​អះអាង​ដោយបញ្ជាក់​ប្រាប់អ្នកសារព័ត៌មានថា
​ចាប់តាំង​​​ពី​អ្នក​​​​នាង​បែក​គ្នា​ជាមួយនឹង​លោក ហ្ស៊ូ​ណូ កាលពី​អំឡុង​ឆ្នាំ​ ២០១៤​ មក អ្នក​នាង​មិន​ដែល​សុំ​ការ​ជួយ​ពី​លោក​ម្តងណា​ឡើយ​។

ក្រោយ​បែកបាក់​នោះ ​អ្នក​នាង​ក៏​មាន​មុខរបរ​រកស៊ី​នៅ​ក្នុង​ដៃ​ដូច​ជា​បើក​ភោជ​នីយដ្ឋាន និង​សណ្ឋាគារ​ផង​ដែរប៉ុន្តែ​នៅ​ក្នុងអំឡុងពេល​កូ​វី​ដ​អ្នក​នាង​ក៏​សម្រេច​បិទមុខ​របរ​នេះ​ចោល​តាំងពី​ចុងឆ្នាំ ​២០២១ ហើយ​ចាប់ពី​ពេល​នោះ​មក​ស្ថានភាព​ជីវភាព​របស់​នាង​កាន់តែ​លំបាក​ខ្លាំង​៕

អត្ថបទ៖ ចាន់រ៉ា