ជីវិតកម្សាន្ដ

ទម្លាយតម្លៃសាលា Harrow ដែលគូស្នេហ៍សេដ្ឋី Not-Chompoo ត្រៀមបញ្ជូនកូនប្រុសភ្លោះទៅសិក្សានៅ អង់គ្លេស

បានផុស

២ years មុន

នៅ

ថ្ងៃសៅរ៍ ៦ ឧសភា ២០២៣

ដោយ

មិនមែនត្រឹមជាដំណើរកម្សាន្តជាលក្ខណៈគ្រួសារមួយមុខនោះទេ ប៉ុន្តែសេដ្ឋី Wisarut និង ភរិយា Chompoo Araya យកកូនប្រុសភ្លោះទាំងពីរទៅមើលសាលាដ៏ល្បីល្បាញ Harrow School ស្ថិតនៅទីក្រុងឡុងដ៏ នៃប្រទេសអង់គ្លេស ខណៈថ្លៃសិក្សាពិតជាមិនធម្មតានោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាលា Harrow គឺជាសាលាចាស់និងល្បីល្បាញសម្រាប់ក្មេងប្រុស ហើយមានប្រវត្តិគួរឲ្យចាប់អារម្មណ៍ ដោយវាត្រូវបានបង្កើតឡើងក្នុងឆ្នាំ ១៥៧២ ក្រោមធម្មនុញ្ញដែលផ្តល់ដោយព្រះមហាក្សត្រ មហាក្សត្រី Elizabeth I ត្រូវបានគេចាត់ទុកថាជាសាលាដ៏អស្ចារ្យបំផុតមួយនៅក្នុងប្រទេសអង់គ្លេស ដោយមានប្រវត្តិជាង ៤៥០ ឆ្នាំ។

ដោយឡែក ចំពោះតម្លៃសិក្សារបស់សាលា Harrow ក៏មិនធម្មតាដែរ។ យោងតាមគេហទំព័រ Harrow School តម្លៃសិក្សាសម្រាប់ឆ្នាំ ២០២២/២៣ គឺស្មើនឹង £15,570 (២៩,២៩២ដុល្លារ) រួមទាំងអាហារ ថ្លៃសិក្សា សៀវភៅសិក្សា សម្ភារៈការិយាល័យ និងបោកគក់ ដែលនឹងត្រូវបង់ជាមុនត្រឹមថ្ងៃដំបូងនៃអាណត្តិ សម្រាប់មុខវិជ្ជាបន្ថែម នឹងត្រូវគិតថ្លៃបន្ថែមផ្សេងទៀតផងដែរ។ ងាកមកថ្លៃដាក់ពាក្យ ឬថ្លៃចុះឈ្មោះនឹងមានចំនួន ៣៥០ ផោន ដែលមិនអាចដកវិញនៅពេលក្រោយបាននោះទេ។

ទោះយ៉ាងណា តារាសម្ដែងរៀមច្បងរូបនេះក៏ធ្លាប់បាននិយាយថា ៩ឆ្នាំទៀតនាងអាចនឹងឈប់ពីសិល្បៈ ដើម្បីត្រៀមមើលថែរកូនៗដែលកំពុងសិក្សានៅអង់គ្លេស ប៉ុន្តែ Chompoo Araya មិនទាន់ប្រាកដចិត្តមួយរយភាគរយទេថានឹងលាឈប់ ស្របពេលដែលនាងថា ចាំពេលវេលានោះមកដល់សិន៕