តារា ថៃ ៥ គូ ប្រកាសផ្ដាច់ទំនាក់ទំនងលែងជាគូស្នេហ៍ដោយគ្មានអាល័យ

កាលពីពេលថ្មីៗ​នេះ ​តារាថៃជាច្រើនគូបានបែក​គ្នា​​ជា​បន្តបន្ទាប់ មាន​ទាំង​ការ​ទម្លាក់​តម្រុយ​មុនបែក ខណៈ​គូខ្លះចេញមុខ​ប្រាប់​ដល់​មហាជន​ភ្លាមៗ​ថា​ពួកគេ​ពិតជា​ប្រេះឆា​ពិតមែន។

ត្បិតថាដំណឹងមួយនេះសោកសៅសម្រាប់អ្នកគាំទ្រក្ដី ប៉ុន្តែមិន​ថា​ហេតុផល​ណា​ក៏គេ​ជឿ​ថា​ គ្រប់​គ្នា​គោរព​ការ​សម្រេច​ចិត្ត​របស់​គូស្នេហ៍​នីមួយៗ បើទោះបីជាគូស្នេហ៍​ខ្លះ​មិន​ទាន់​ចេញ​មុខ​ឆ្លើយ​ថា​បែក​គ្នា​ច្បាស់ការក្ដី។

១ Rakwanee Kamsing និង Tongtong Kitsakorn

មក​ដល់​គូ​ដំបូង​របស់តារា​ស្រី Rakwanee ដែល​ទើប​តែ​បែក​គ្នា​ជាមួយ​ប្រុស​សង្ហា Tongtong កាល​ពី​ថ្ងៃ​បុណ្យ​សង្ក្រាន្ត​កន្លង​មក។ ប៉ុន្តែ​រហូត​មក​ដល់​ពេល​នេះគូស្នេហ៍មួយគូនេះ នៅ​តែ​មិន​ទាន់​ចេញ​មុខទម្លាយពីបញ្ហាថាបណ្ដាលមកពីអ្វីនោះទេ។ ដំណឹងនៃការប្រេះឆាមួយនេះ ក៏បានធ្វើឲ្យអ្នកគាំទ្រខកចិត្ត និងសោកស្ដាយដល់ទំនាក់ទំនងពួកគេដែរ។

២ Matt និង Songkran

ចំណងស្នេហ៍៥ឆ្នាំបានប្រេះឆា ក្រោយតារាសម្ដែង Matt Peeranee បាន​ចេញមុខប្រាប់​អ្នកសារព័ត៌មានថា​ ពួកគេ​បែកគ្នា​តាំងពីចុងឆ្នាំមុន។ បើទោះជា​មិនបាន​បញ្ជាក់​ថា​មិនមាន​ភាគីទីបី ប៉ុន្តែពេលនេះ Songkran ត្រូវមហាជនដឹងថាលោក​កំពុង​តែ​មាន​មិត្តស្រីថ្មីហើយ។

៣ Atsadaporn Siriwattanakul និង Thanwa Suriyajak

ការបែកគ្នារបស់គូស្នេហ៍មួយគូនេះបានធ្វើ​មនុស្សជាច្រើនខកចិត្តយ៉ាងខ្លាំង ស្របពេលដែល Asadaporn ​ បានបង្ហោះរឿងនេះមុននឹងការប្រកាសពី Status មិត្តប្រុស Thanwa Suriyajak តាមរយៈ Instagram។ ទោះយ៉ាងណានេះគឺ​ជាការសម្រេចចិត្តរបស់អ្នកទាំងពីរ ក្រោយទាក់ទងគ្នាជាង៨ឆ្នាំ ប៉ុន្តែទោះ​ជាបាត់បង់មិត្តស្រី​ក៏ដោយ ក៏​ទទួល​បាន​មិត្តល្អ​ត្រឡប់មកវិញដូចគ្នា។

៤ Bow Benjawan និង Got Jirayu

Bow Benchawan និងមិត្តប្រុស Got Jirayu ក៏ជាគូស្នេហ៍ដែលមហាជនខកចិត្តខ្លាំង បន្ទាប់ពីគេសង្កេតឃើញថា ភាគីខាង Bow បានលុបរូបថតគូស្នេហ៍ចេញពី IG ចោលទាំងស្រុង។ ​មហាជន​ជា​ច្រើន​គាំទ្រ និង​មិន​ចង់ឲ្យពួកគេ​បែក​ ព្រោះ​ពួកគេ​ជា​គូស្នេហ៍​មួយ​គូ​ទៀត​ដែល​រួមរស់​ជាមួយ​គ្នា​ជា​យូរ​មក​ហើយ ជាពិសេស​ក៏ជាគូ​ស័ក្តិសម​ផងដែរ។

៥ Jetrin Wattanasin និង Pin Kejmanee

គូស្នេហ៍​វ័យ​ចំណាស់ Jetrin Wattanasin និង Pin Kejmanee សឹងតែធ្វើឲ្យទស្សនិកជនសោកស្ដាយយ៉ាងខ្លាំងក្រោយធ្លាយ​ព័ត៌មាន​ថា​ បានសម្រេចចិត្ត​លែងលះ​គ្នា។ ជាពិសេស ក្រោយ​ឃើញ​ថា​អ្នក​ទាំង​ពីរ​បាន Unfollow គ្នា​ទៅ​វិញ​ទៅ​មក​នៅ​លើ Instagram។ ហើយ​ខាងភរិយា Pin ក៏​បន្ត​បង្ហោះ​រឿង​សោកសៅ​ទៀត​ផង ។ ប៉ុន្តែ​រហូត​មក​ដល់​ពេល​នេះ​នៅ​មិន​ទាន់​មាន​ការ​បញ្ជាក់​ពី​ភាគីទាំង​ពីរ​នោះ​ទេ។ ទោះ​មិន​បាន​ចេញ​មុខ​បដិសេធ​ព័ត៌មាន​នេះ​តាម​វិធី​ណា​ក្ដី តែ​ប្ដី​ប្រពន្ធ​​គូ​នេះ ត្រូវបានគេចាត់ទុកថា​ជា​ដំណឹង​គួរ​ឲ្យ​ភ្ញាក់​ផ្អើល​ខ្លាំង៕

ប្រែសម្រួល៖ សាង ស្រីល័ក្ខ

ចុចអាន៖ទម្លាយតម្លៃសាលា Harrow ដែលគូស្នេហ៍សេដ្ឋី Not-Chompoo ត្រៀមបញ្ជូនកូនប្រុសភ្លោះទៅសិក្សានៅ អង់គ្លេស