ជីវិតកម្សាន្ដ

Pancakes ទើបដាច់ចិត្តទម្លាយរូបភាពវះកាត់កែសម្ផស្សលើកដំបូងក្នុងជីវិត

បានផុស

២ years មុន

នៅ

ថ្ងៃចន្ទ ៨ ឧសភា ២០២៣

ដោយ

រៀមច្បង Pancake Khemanit បានសម្រេចចិត្តធ្វើការវះកាត់ត្របកភ្នែកពីរជាន់ជាលើកដំបូងក្នុងជីវិត ដើម្បីដោះស្រាយបញ្ហាត្របកភ្នែកមិនស្មើគ្នា ខណៈនាងទើបតែទម្លាយនៅរូបភាពប៉ុន្មានសន្លឹកបង្ហាញដល់អ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីជោគជ័យលើអាជីពសិល្បៈអស់រយៈកាលកន្លងមក ក្រោយកែសម្ផស្សរួច ពេលនេះតារាស្រី Pancake បានបង្ហិះឃ្លិបមួយនិយាយពីគ្លីនិក Tiraporn ក្រោយសម្រេចចិត្តវះកាត់ភ្នែកនៅទីនោះថា “វាជាពេលវេលាដ៏ល្អ ដើម្បីធ្វើឲ្យភ្នែករបស់អ្នកកាន់តែច្បាស់។ ខ្ញុំមានត្របកភ្នែករួចហើយ ប៉ុន្តែតាមអាយុ និងថ្ងៃខ្លះភ្នែកខ្ញុំប្រែជាស្រវាំងហើយឈឺខ្លាំង នេះជាលើកទីមួយក្នុងជីវិតរបស់ខ្ញុំ ដែលខ្ញុំត្រូវតែវះកាត់ ។ បន្ទាប់ពីការវះកាត់ភ្នែកតិចជាង ៥ នាទី ភ្នែករបស់ខ្ញុំបានបើកឡើង ខ្ញុំមានអារម្មណ៍តានតឹងបន្តិច។ គ្រូពេទ្យតែងតែប្រាប់ខ្ញុំពីអ្វីដែលខ្ញុំកំពុងធ្វើក្នុងអំឡុងពេលនេះ។ ថ្ងៃនេះខ្ញុំរីករាយដែលខ្ញុំបានធ្វើ និងធ្វើបានដោយជោគជ័យ”។

យ៉ាងណាមិញ នេះមិនមែនត្រឹមតែថាមូលហេតុមួយមុខទេ នាងក៏បានលាតត្រដាងថា ការសម្រេចចិត្តវះកាត់លើកនេះ វាមិនមែនគ្រាន់តែអំពីភាពស្រស់ស្អាតប៉ុណ្ណោះទេ។ ប៉ុន្តែដោយសារតែជំងឺដ៏ពេញនិយមរបស់នារីៗដែលមានវ័យចាប់ពី៣០ឡើងទៅនឹងមានជំងឺខ្សោយសាច់ដុំភ្នែក ដែលជាសំណាងល្អអាចព្យាបាលបានទាន់ពេលវេលាប៉ុណ្ណោះ។

ទោះយ៉ាងណាក៏ដោយ ក្រោយ Pancake កែសម្ផស្សលើត្របកភ្នែក អាជីពលើវិថីសិល្បៈរបស់នាងហាក់រលូនជាងមុននិងតែងតែបង្ហាញមុខលើឆាកអន្តរជាតិឲ្យទស្សនិកជនបានដឹងជានិច្ច។ ជាពិសេស កាលពីពេលថ្មីៗនេះនាងទើបតែវិលមកពីបង្ហាញម៉ូដក្នុងកម្មវិធី Bombay Times Fashion Week របស់ប្រទេសឥណ្ឌា នៅឯទីក្រុងបុមបៃ៕