ជីវិតកម្សាន្ដ
យុវជនស្រមោលរំភើបក្រៃលែង ដែលក្លាយជាចំណែកបង្កើតផ្ទាំងទស្សនីយភាពដ៏អស្ចារ្យ ក្នុងព្រឹត្តិការណ៍ស៊ីហ្គេម
បន្ទាប់ពីមានឱកាសចូលរួមសម្ដែងក្នុងព្រឹត្តិការណ៍ដ៏អស្ចារ្យ និងប្រវត្តិសាស្ត្រ នៃការបើកកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ ដែល កម្ពុជា ធ្វើជាម្ចាស់ផ្ទះ យុវជនស្រមោល បង្ហាញអារម្មណ៍ដ៏ព្រឺព្រួច រំភើបក្រៃលែង ក្រោយបានក្លាយជាចំណែកបង្កើតផ្ទាំងទស្សនីយភាពដ៏អស្ចារ្យមួយនេះ។
ក្រុមយុវជនស្រមោលបាននិយាយថា «ក្រុមស្រមោល តែងមានក្តីស្រមៃថា ថ្ងៃណាមួយពិភពលោកនឹងបានឃើញពីភាពល្អប្រណីត នៃវប្បធម៌ខ្មែរ តាមរយៈឈុតសម្លៀកបំពាក់តំណាងជាតិ តួយ៉ាងនៅថ្ងៃ ០៥ ខែឧសភា ឆ្នាំ ២០២៣ កន្លងទៅ ជាព្រឹត្តិការណ៍ប្រវត្តិសាស្ត្រ នៃការបើកកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ ដែល កម្ពុជា ក្លាយជាម្ចាស់ផ្ទះពិត ធ្វើឲ្យប្រជាជនកម្ពុជា ក៏ដូចជាបរទេសមើលឃើញយ៉ាងច្បាស់ និងរំភើបនូវឈុតដ៏អស្ចារ្យរបស់យើង»។
យុវជនស្រមោលបញ្ជាក់ដែរថា «ក្រុមស្រមោល ពិតជារំភើបចិត្តក្រៃលែងដែលបានក្លាយជាចំណែកមួយក្នុងការបង្កើតផ្ទាំងទស្សនីយភាពដ៏អស្ចារ្យនេះ ទោះបីហត់នឿយបន្តិចបន្តួចក៏ពុំថ្វី ព្រោះសមិទ្ធផលទាំងអស់នេះកើតចេញពីបេះដូង និងទឹកចិត្តដ៏ស្មោះសររបស់ក្រុមសមោល។ អរគុណបងប្អូនក្រសួងពាក់ព័ន្ធរួមមាន ក្រសួងវប្បធម៌ជាដើម ដែលមើលឃើញពីទឹកដៃ នៃការចនារបស់ក្រុមស្រមោល ហើយផ្ដល់ឱកាសឲ្យយើងបានចូលរួមកម្មវិធីលំដាប់ជាតិជាប្រវត្តិសាស្ត្រ»។
ជាការពិតនៅក្នុងកម្មវិធីបើកព្រឹត្តិការណ៍កីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ បានប្រព្រឹត្តិទៅយ៉ាងរលូន និងអស្ចារ្យបំផុត ជាមួយការបង្ហាញផ្ទាំងទស្សនីយភាព ព្រមទាំងការសម្តែងដ៏កក្រើកពីសំណាក់តារាចម្រៀងល្បីៗ ប្រចាំប្រទេស ដើម្បីអបអរព្រឹត្តិការណ៍ដ៏អស្ចារ្យនេះ ដែលរៀបចំឡើងនៅព្រះរាជាណាចក្រកម្ពុជា។
រឿងធ្វើឲ្យមហាជនកាន់តែចាប់អារម្មណ៍ខ្លាំងថែមទៀតនោះ ក្រោយចប់ការសម្ដែងក្នុងព្រឹត្តិការណ៍បើកស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ ឃើញមានតារាចម្រៀងល្បីៗ របស់ខ្មែរជាច្រើនដួង បានសម្ដែងអារម្មណ៍ដ៏រំភើបដែលបានចូលរួមសម្ដែងក្នុងព្រឹត្តិការណ៍ដ៏អស្ចារ្យនេះ។
សូមជម្រាបថា ព្រឹត្តិការណ៍ស៊ីហ្គេមនាពេលនេះគឺជាព្រឹត្តិការណ៍ប្រវត្តិសាស្ត្ររបស់កម្ពុជា ដែលពលរដ្ឋកម្ពុជា បានរង់ចាំអស់រយៈពេល ៦៤ ឆ្នាំមក។ ប្រជាពលរដ្ឋកម្ពុជាគ្រប់រូប ពិតជាមានមោទនភាព និងក្ដីរំភើបបំផុតនៅពេលឃើញទិដ្ឋភាពដ៏អស្ចារ្យជាប្រវត្តិសាស្ត្រមិនដែលមានពីមុនមកនេះ៕
អត្ថបទ ៖ ចាន់រ៉ា
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១៩ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ