ប្រាសាទ ដាវីន បានតំណែងជា National Director ក្នុងកម្មវិធីបវរកញ្ញានៅកម្ពុជា

គេ​ចាំ​បាន​ថា តារា​សម្ដែង និង​បង្ហាញ​ម៉ូដ ប្រាសាទ ដាវីន ថ្មីៗ​នេះ បាន​ចេញ​ទៅ​ប្រកួត​ស្ត្រី​ឯក​ចក្រវាល ២០២៣ (Universal Women 2023) នៅ​ទីក្រុង​ឌូបៃ ប្រទេស​អារ៉ាប់រួម។ ការ​ចេញ​ទៅ​ប្រកួត​លើ​ឆាក​អន្តរជាតិ​តំណាង​ឲ្យ​ស្ត្រី​ខ្មែរ​លើក​ដំបូង​ក្នុង​កម្មវិធី គឺ​ទទួល​បាន​ការ​លើក​ទឹកចិត្ត​ខ្លាំង​ពី​សាច់ញាតិ មិត្តភ័ក្ដិ និង​អ្នកគាំទ្រ​ជាច្រើន។

ប្រាសាទ ដាវីន ជា​តារា​សម្ដែង បង្ហាញ​ម៉ូដ និង​ជា​អ្នក​គ្រប់គ្រង​កម្មវិធី មាន​សមត្ថភាព ប្រជាប្រិយភាព ទេពកោសល្យ និង​រូប​សម្រស់​ស្រស់​សោភា ទាំងនេះ​គឺជា​ភាព​ជឿជាក់​សម្រាប់​នាង ដែល​គេ​ដឹង​ដែរ​ថា ទាំង​ចំណេះដឹង និង​ការ​ប្រើប្រាស់​ភាសា​របស់​នាង​ក៏​មិន​ធម្មតា​ដែរ។

ប្រាកដ​ណាស់​បវរកញ្ញា ប្រាសាទ ដាវីន ក៏​ទទួល​បាន​តំណែង​ជា​ស្ត្រី​ឯក​ចក្រវាល​កម្ពុជា Universal Woman Cambodia ឆ្នាំ ២០២៣ ជា​កម្មវិធី​សម្រាប់​កម្ពុជា ផ្ដល់​ឱកាស​សម្រាប់​ស្ត្រី​កម្ពុជា​រៀបការ​រួច​ហើយ ដើម្បី​ចូលរួម​ប្រកួត​នៅ​ទីក្រុង​ឌូ​បៃ ប្រទេស​អារ៉ាប់រួម ដែល​កាលនោះ​អ្នកនាង​ទទួល​បាន​ជ័យលាភី​លំដាប់​រង​ទី ៤។

រឿង​ធ្វើ​ឲ្យ​មហាជន​កាន់តែ​ចាប់​អារម្មណ៍ និង​អបអរ​ថែមទៀត​នោះ ដោយ​មាន​ដំណឹង​ថា ប្រាសាទ ដាវីន បាន​តំណែង​ថ្មី ដោយ​ទទួល​បាន​សិទ្ធិ​ជា​អ្នក​គ្រប់គ្រង​រៀបចំ​កម្មវិធី​បវរកញ្ញា​ថ្មី​មួយ​ដែល​នាំមក​កម្ពុជា គឺ កម្មវិធី Miss Enviroment Cambodia។

ផ្អែក​តាម​កម្មវិធី Miss Enviroment National បាន​ប្រកាស​ថា «We welcome our National Director for Cambodia Mrs.Davin Prasath @da vinprasath President organisations @pra sath_beauty @ongkrong We welcome yo u to the team Miss Environment Internati onal Pageant organisation។ ដំណឹង​នេះ ធ្វើ​ឲ្យ​អ្នកគាំទ្រ​សម្ដែង​ការ​ចូលរួម​អបអរ​ចំពោះ​តំណែង​ដែល ប្រាសាទ ដាវីន បាន​នា​ពេលនេះ៕

អត្ថបទ ៖ ចាន់រ៉ា