ជីវិតកម្សាន្ដ

តារាសម្ដែងថៃ Margie ថត Selfie លើឡានទំនើប Lamborghini ត្រូវប៉ូលិសឃាត់ខ្លួនភ្លាមៗ

បានផុស

១ year មុន

នៅ

ថ្ងៃពុធ ១០ ឧសភា ២០២៣

ដោយ

តារាសម្ដែងស្រី Margie Rasri ក្រោយបើកឡានទំនើបចេញពីផ្ទះមិនបានប៉ុន្មានផង ស្រាប់តែប៉ូលិសឃាត់ខ្លួនលើដងផ្លូវ បន្ទាប់ពីនាងលើកទូរស័ព្ទហើយថតរូប Selfie មុខខ្លួនឯងក្នុងរថយន្ត ខណៈពេលដែលកំពុងតែជាប់ស្តុបភ្លើងក្រហម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញក្រោយជួបហេតុការណ៍ល្មើសច្បាប់ អ្នកម្ដាយកូន៣រូបនេះបានផ្ដល់បទពិសោធន៍និងជាមេរៀនដល់មហាជនថា “បញ្ចប់ការថត ប៉ូលិសបានឃាត់ខ្លួនភ្លាមៗ។ ក្នុងនាមជាអ្នកបើកបរមិនអាចលេងទូរស័ព្ទបានទេ។ ខ្ញុំត្រូវគេសួររឿងប័ណ្ណបើកបរ វាជាការពិតដែលភ្លើងក្រហមមិនគួរធ្វើយ៉ាងដូច្នោះ”។

ទោះយ៉ាងណាក៏ដោយ មិត្តរួមសិល្បៈថៃ និងអ្នកគាំទ្របានចូលរួមបញ្ចេញមតិយ៉ាងច្រើនកុះករ។ ម្នាក់ៗនិយាយថា ប៉ូលិសបានបំពេញតួនាទីរបស់ខ្លួនបានត្រឹមត្រូវ។ ហើយវាជាចំណេះដឹងថ្មីមួយទៀត របស់មនុស្សជាច្រើន។ ទោះបីជារថយន្តចតនៅភ្លើងក្រហមក៏ដោយ វាមិនសមរម្យទេក្នុងការប្រើទូរស័ព្ទដៃ៕