ជីវិតកម្សាន្ដ

សុន ស្រីពេជ្រ ថា គ្មានអ្នកណាស្រលាញ់ខ្លួនយើងជាងឪពុកម្ដាយទេ

បានផុស

២ years មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

តារាចម្រៀងមនោសញ្ចេតនាសំនៀងផ្អែមគ្រប់ទម្រង់ទាំងសម័យ និងបុរាណ អ្នកនាង សុន ស្រីពេជ្រ ស្របពេលអាជីពសិល្បៈនៅតែរក្សាបានការគាំទ្រ និងមានប្រជាប្រិយភាពខ្ពស់សម្រាប់មហាជនទូទៅ ស្រាប់តែតារាស្រីរូបនេះចេញមកនិយាយដោយភ្ញាក់ផ្អើលថា នាងឈប់ស្រលាញ់អ្នកណាទៀតហើយ ព្រោះអ្វីដែលជាការតបស្នងមកវិញបានត្រឹមតែការមើលងាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងសំនៀងផ្អែមអ្នកនាង សុន ស្រីពេជ្រ បានប្រឡូកក្នុងវិស័យសិល្បៈចម្រៀងជាច្រើនឆ្នាំមកហើយ ដោយអ្នកនាងទទួលបានការគាំទ្រខ្លាំងតាមរយៈចម្រៀងពីទេសចរណ៍នៅកម្ពុជាជាដើម។ ដោយឡែកអ្វីដែលចាប់អារម្មណ៍អ្នកនាង សុន ស្រីពេជ្រ បានរៀបរាប់ថា «ចាប់ពីពេលនេះទៅ ខ្ញុំឈប់ស្រលាញ់អ្នកណាទៀតហើយ ព្រោះស្រលាញ់បារម្ភបែរជាទទួលបាននូវពាក្យមើលងាយទៅវិញ»។

អ្នកនាង សុន ស្រីពេជ្រ បាននិយាយបន្ថែមថា «មានតែម្ដាយឪពុកយើងទេដែលគាត់ស្រលាញ់យើងពិតប្រាកដ និងស្មោះត្រង់ចំពោះយើង។ ពេជ្រ មល្លិកា និង ពេជ្រ វឌ្ឍនា សូមឲ្យកូនម៉ាក់ជាកូនដែលមានគុណធម៌ និងកុំរមិលគុណចំពោះមនុស្សដែលបានជួយយើង ស្គាល់ខុស និងត្រូវ ណាកូន»។

គួររំឭកដែរថា តារាចម្រៀងនិយមបែបស្រគត់ស្រគំ និងច្រៀងបទប្រពៃណី អ្នកនាង ស៊ុន ស្រីពេជ្រ ជាកូនម្នាក់ ក្នុងចំណោម ៨ នាក់ នៃក្រុមគ្រួសារតារាកំប្លែងជើងចាស់លោកតា សង់ ស៊ីស។ ក្នុងនោះ បងប្អូននាងដែលប្រឡូកក្នុងវិស័យសិល្បៈមាន នាយ សង់ សេត និងអ្នកនាង កាឆយ៕

អត្ថបទ ៖ ចាន់រ៉ា