តារាស្រីលំដាប់ពិភពលោក ៦ រូប មិនព្រមសម្រកទម្ងន់ ទោះរងពាក្យរិះគន់

អ្នកគាំទ្រភាគច្រើនតែងរំពឹងថានិមិត្តរូបរបស់ពួកគេជាមនុស្សស្អាតឥតទាស់ ចំណែកអ្នកមិនចូលចិត្តវិញតែងរកចំណុចរិះគន់មិនចេះចប់មិនចេះហើយ ។ ប៉ុន្តែតារាស្រីទាំង ៦ រូបនេះមិនខ្វល់រឿងរូបរាងកាយឡើយទោះរងការរិះគន់យ៉ាងណាក៏ដោយ ៖

១. Gigi Hadid

នាងធ្លាប់ចែករំលែកក្នុងបណ្ដាញសង្គម Instagram កាលពីឆ្នាំ ២០១៥ ថា “ទេ! ខ្ញុំគ្មានរាងកាយដូចតារាម៉ូដែលផ្សេងឡើយ ខ្ញុំមានសុដន់ សាច់ដុំក្បាលពោះ គូថ ភ្លៅ ប៉ុន្តែខ្ញុំមិនសូមនូវការយកចិត្តទុកដាក់ជាពិសេសទេ ការរិះគន់របស់អ្នកមិនបានធ្វើឲ្យខ្ញុំចង់ប្ដូររាងកាយទាល់តែសោះ បើខ្ញុំមិនស្អាតមិនមែនមានការងារដូចរាល់ថ្ងៃនេះទេ” សូមបញ្ជាក់ដែរថា Gigi ជាកំពូលតារាម៉ូដែលលំដាប់ពិភពលោកជាយូរមកហើយ ។

២. Pink

ក្នុងឆ្នាំ ២០១៥ Pink បានផុសក្នុង twitter ថា “ខ្ញុំសុខសប្បាយ និងមានសុខភាពល្អ រាងកាយដ៏រឹងមាំរបស់ខ្ញុំកំពុងសម្រាក អរគុណសម្រាប់ការយកចិត្តទុកដាក់ ។ ស្រលាញ់នំឈីស ។”

៣. Jennifer Lopez

អ្នកស្រីបានប្រាប់ InStyle ថា “គេឲ្យខ្ញុំសម្រកទម្ងន់ខ្លះ ឬ ធ្វើនេះធ្វើនោះរហូតដល់ខ្ញុំគិតថា នេះគឺជាខ្ញុំ ខ្ញុំមានរាងបែបនេះ គ្រប់គ្នាដែលខ្ញុំធំឡើងជាមួយសុទ្ធតែមានរូបរាងបែបនឹង ហើយពួកគេស្រស់ស្អាតសម្រាប់ខ្ញុំ ខ្ញុំអត់មានឃើញអ្វីខុសឆ្គងផង” ។

៤. Adele

បន្ទាប់ពីរងការរិះគន់នៅលើ Youtube នាងបានប្រាប់ The Guardian កាលពីឆ្នាំ ២០០៧ ថា “ខ្ញុំនឹងសម្រកទម្ងន់ បើវាប៉ះពាល់សុខភាពឬជីវិតផ្លូវភេទរបស់ខ្ញុំ ហើយវាអត់ប៉ះពាល់ទេ” ។ ទោះពេលនេះនាងសម្រេចចិត្តសម្រកទម្ងន់មែន តែជាការផ្គាប់ចិត្តខ្លួនឯងប៉ុណ្ណោះ ។

៥. Rihanna

Rihanna ប្រាប់ The Cut ក្នុងឆ្នាំ ២០១៧ ថា “ខ្ញុំពេញចិត្តនឹងការប្រែប្រួលនៃរាងកាយដែលពេលខ្លះស្លៀកពាក់រឹបត្រូវ ពេលខ្លះត្រូវការសំលៀកបំពាក់រលុង” អ្នកស្រីបន្ត “ខ្ញុំច្រើនយកចិត្តទុកដាក់ពេលទៅជ្រើសរើសខោអាវស្លៀកព្រឹកឡើង” ។

៦. Meghan Trainor​​

Meghan និយាយថា “មិនដែរមាននរណាបញ្ជាឲ្យខ្ញុំសម្រកទម្ងន់ទេ ពេលខ្លះគេឲ្យស្លៀកខោអាវតូចៗ ខ្ញុំក៏សួរវិញថាជារបស់កូនក្មេងឬ? ​​ខ្ញុំហាត់ប្រាណដើម្បីឲ្យសួតដំណើរការ ខ្ញុំសប្បាយចិត្តនឹងរូបរាងរបស់ខ្ញុំពិតប្រាកដ” ៕

ប្រែសម្រួល ៖ វារី

ចុចអាន ៖ តារាអន្តរជាតិ ៦ រូប មានក្លិនអាក្រក់ចេញពីមាត់ និងរាងកាយ