មកដឹងពីតារាអន្តរជាតិ ៨ នាក់ ដែលល្បីដោយសារឪពុកម្ដាយ

តារាមិនតិចទេដែលមានកេរ្តិ៍ឈ្មោះល្បីគួបផ្សំជាមួយចំហាយពីឪពុកម្ដាយ អ្នកខ្លះមិនទាន់ធំដឹងក្ដីផងក៏ល្បីបាត់ទៅហើយ បុគ្គលល្បីទាំងនោះត្រូវគេដាក់រហ័សនាមថា Nepo baby ។ មកស្គាល់កំពូល Nepo baby ៨ រូបដែលមានទាំងសមត្ថភាពនិងកេរ្តិ៍ឈ្មោះ ៖

១. Nicole និង Sofia Richie

Nicole ជាបុគ្គលល្បី និងជាអ្នកច្នៃម៉ូដសំលៀកបំពាក់ ចំណែកឯ Sofia Richie ដែលទើបតែរៀបការផ្អើលពិភពលោកជាតារាម៉ូដែលមួយរូប នាងត្រូវមហាជនស្គាល់ច្រើនបំផុតពេលមានស្នេហាជាមួយ Justin Bieber ។ អ្នកទាំងពីរជាកូនស្រីបង្កើតរបស់តារាចម្រៀង Lionel Richie ដែលល្បីតាំងពី ៥០ ឆ្នាំមុនមកម្ល៉េះ ។

២. Nicolas Cage

Nicolas Cage គឺជាតារាសម្ដែងនិងផលិតករ ហើយអ្នកគាំទ្រគិតថាគាត់មានមុខដូចឪពុកសឹងតែ ១០០ ភាគរយ ។ ឪពុករបស់ Nicolas គឺលោក August Coppola អ្នកសិក្សាជនជាតិអាមេរិក អ្នកនិពន្ធ នាយកប្រតិបត្តិភាពយន្ត និងជាអ្នកតស៊ូមតិក្នុងវិស័យសិល្បៈ ។

៣. Lily-Rose Depp

Lily-Rose Depp គឺជាតារាសម្ដែងនិងតារាម៉ូដែល អ្នកប្រាកដជាស្គាល់ឪពុករបស់នាងហើយនោះគឺលោក Johnny Depp ។

៤. Brandon Thomas Lee

លោក Brandon គឺជាកូនច្បងរបស់អ្នកស្រី Pamela Anderson ស្រីស្អាតប្រចាំហូលីវូដជំនាន់មុន បច្ចុប្បន្នគាត់មានការងារជាតារាសម្ដែង ។

៥​. Hailey Bieber

Hailey កាន់តែល្បីបន្ទាប់ពីរៀបការជាមួយ Justin Bieber ក្នុងឆ្នាំ ២០១៨ យ៉ាងណានាងក៏ធ្លាប់គេស្គាល់ច្រើនដែរមុនមានស្វាមីព្រោះមានតារាសម្ដែង Stephen Baldwin ជាឪពុកស្រាប់ ។

៦. Gigi និង Bella Hadid

អ្នកទាំងពីរជាកំពូលតារាម៉ូដែលលើពិភពលោក ចំណែកម្ដាយរបស់ពួកគេគឺអ្នកស្រី Yolanda Hadid ជាតារាទូរទស្សន៍ និងអតីតតារាម៉ូដែលផងដែរ ៕

ប្រែសម្រួល ៖ វារី

ចុចអាន ៖ បុគ្គលអន្តរជាតិល្បីៗ បាត់បង់ជីវិតដោយសាររថយន្ត ១០ គ្រឿង