ជីវិតកម្សាន្ដ

ព្រឹត្តិការណ៍ “Jennie for Calvin Klein” រងពាក្យរិះគន់ចាស់ដៃពីអ្នកកាសែត

បានផុស

១ year មុន

នៅ

ថ្ងៃសុក្រ ១២ ឧសភា ២០២៣

ដោយ

Sonya

កាលពីថ្ងៃទី១០ ខែឧសភា យីហោ Calvin Klein បានរៀបចំព្រឹត្តិការណ៍ណែនាំការប្រមូលផ្តុំម៉ូដសម្លៀកពាក់ថ្មីៗ និងចុងក្រោយគេបង្អស់ ដោយបានភ្ជាប់ជាមួយទូតសុឆន្ទៈសកល Jennie សមាជិក Blackpink និង Jungkook ព្រមទាំងភ្ញៀវរាប់រយនាក់ទូទាំងអាស៊ី អឺរ៉ុប-អាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះ ម៉ូដសម្លៀកបំពាក់ចុងក្រោយរបស់ម៉ាកយីហោ Calvin Klein ដែលមានការចូលរួមសហការណ៍រចនាម៉ូដពី Jennie សមាជិក Blackpink លក់ដាច់ភ្លាមៗ បន្ទាប់ពីបើកដំណើរការបានតែប៉ុន្មាននាទីនៅលើគេហទំព័រផ្លូវការ ហើយគេហទំព័ររបស់ក្រុមហ៊ុនបានគាំងដោយសារតែមានអ្នកទិញច្រើនពេក ។

យ៉ាងណាមិញ ព្រឹត្តិការណ៍នេះបានរងនូវមតិរិះគន់យ៉ាងចាស់ដៃពីអ្នកកាសែត ព្រោះកម្មវិធីរៀបចំឡើងនៅទីតាំងតូចចង្អៀត គ្មានកន្លែងសម្រាប់អ្នកកាសែតគ្រប់គ្រាន់ និងមានអ្នកកាសែតមួយចំនួនថតមិនបានរូបពីកម្មវិធីទៀតផង សូម្បី Jennie ផ្ទាល់ក៏មានវត្តមាននៅទីនោះបានតែពីរម៉ោងប៉ុណ្ណោះ។

ទោះបីជាមានអ្នកសារព័ត៌មានក្នុងស្រុកជាង ៦០ស្ថាប័ន ត្រូវបានអញ្ជើញចូលរួមនៅក្នុងព្រឹត្តិការណ៍ “Jennie for Calvin Klein” ក៏ដោយ ប៉ុន្តែមានតែការិយាល័យក្នុងស្រុកចំនួន ១០ ប៉ុណ្ណោះដែលត្រូវបានផ្តល់កន្លែងត្រឹមត្រូវ។ កន្លែងរៀបចំព្រឹត្តិការណ៍ត្រូវបានគេរិះគន់ថា មិនបានរៀបចំឱ្យបានល្អជាមួយហ្វូងមនុស្សដ៏ច្រើនកុះករ ជាពិសេសចំពោះអ្នកសារព័ត៌មាន មានការលំបាកក្នុងការថតរូប និងថតវីដេអូ៕

ប្រែសម្រួល៖ សន្យា

ចុចអាន៖ មិនសារភាពត្រង់ៗ តែ James Ma ប្រាប់ថាចាត់ទុក Rinrada ជាមនុស្សពិសេស

ចុចអាន៖ Jennie នឹងចូលរួមមហោស្រពភាពយន្ត Cannes លើកទី ៧៦ នៅក្នុងប្រទេសបារាំង