ជីវិតកម្សាន្ដ
តារាប្រុស ៥ ដួង សុទ្ធតែមានងារជានាយកក្រុមហ៊ុនធំៗនៅកូរ៉េខាងត្បូង
K-Pop បានទាក់ទាញរង្វង់តន្ត្រីជុំវិញពិភពលោកជាមួយនឹងបទភ្លេងដ៏គួរឲ្យចាប់អារម្មណ៍ និងក្បាច់រាំដ៏វិសេស ព្រមជាមួយនឹងតារាសម្តែងដែលមានទេពកោសល្យ។ ទោះយ៉ាងនេះក្ដី នៅតែមានតារាជាច្រើនបានឈានដល់បង្កើតអាជីពដោយខ្លួនឯងផ្ទាល់ដើម្បីឲ្យកាន់តែល្បីល្បាញទ្វេរដង ខណៈតារា K-Pop ខ្លះទៀតមានងារជានាយកក្រុមហ៊ុនធំៗតែម្ដង។
ខាងក្រោមនេះ គឺជាតារាប្រុស ៥ ដួង ដែលមានងារជានាយកក្រុមហ៊ុនផ្ទាល់ខ្លួន៖
១ Zico

នៅក្នុងខែមករា ឆ្នាំ ២០១៩ Zico បានបង្កើតក្រុមហ៊ុន KOZ Entertainment ដែលជាស្លាកកំណត់ត្រាដែលមានគោលបំណងចិញ្ចឹមបីបាច់ទាំងអាជីពផ្ទាល់ខ្លួនរបស់គាត់ និងអ្នកសិល្បៈផ្សេងទៀត។ ទោះបីជាយ៉ាងណាក៏ដោយ នៅក្នុងខែវិច្ឆិកា ឆ្នាំ ២០២០ មានព័ត៌មានថា Zico ត្រូវបានទិញដោយសាជីវកម្ម HYBE ក្នុងខែមេសា ឆ្នាំ ២០២១ ខណៈ KOZ Entertainment វាដំណើរការជាក្រុមហ៊ុនបុត្រសម្ព័ន្ធរបស់ HYBE Labels ដោយរក្សាបាននូវកម្រិតនៃឯករាជ្យភាពក្នុងការស្វែងរកចក្ខុវិស័យច្នៃប្រឌិតរបស់ខ្លួន។
២ Kang Daniel

Kang Daniel គឺជាសិល្បករកូរ៉េខាងត្បូងដែលមានទេពកោសល្យ។គាត់មានជំនាញខាងច្រៀង និពន្ធបទភ្លេង និងសម្តែង គាត់ធ្វើការក្រោមការគ្រប់គ្រងរបស់ផលិតកម្ម KONNECT Entertainment ។ បន្ទាប់ពីមានជម្លោះផ្លូវច្បាប់ជាមួយ LM Entertainment អតីតភ្នាក់ងាររបស់គាត់។ គាត់បានចែកផ្លូវជាមួយពួកគេនៅឆ្នាំ ២០១៩ មិនយូរប៉ុន្មានក្រោយមកនៅថ្ងៃទី ១០ ខែមិថុនាឆ្នាំដដែល តារាប្រុសរូបនេះបានបង្កើត KONNECT Entertainment ឡើងមក។
៣ Ji Hoon Jung ឬ Rain

Ji Hoon Jung គឺជាតារាកូរ៉េដ៏ល្បីឈ្មោះមួយរូបដែលមានឈ្មោះ Rain ហើយលោកគឺជាតារាចម្រៀង អ្នកនិពន្ធបទចម្រៀង អ្នករាំ តារាសម្តែង និងជាផលិតករថតសំឡេង។ លោកគឺជាអតីតសមាជិកក្រុមក្មេងប្រុស Fanclub និងក្រុមរួមគ្នា SSAK3។ នៅឆ្នាំ ២០១៥ លោកបានបង្កើតភ្នាក់ងារផ្ទាល់ខ្លួនដែលមានឈ្មោះថា Rain Company។ សិល្បករនៅក្រោមក្រុមហ៊ុននេះគឺក្រុមក្មេងប្រុស Ciipher តារាសម្តែង Oh Yeju និង Rain ផ្ទាល់។
៤ Jay park

Jay Park បានបង្កើតស្លាកថ្មី More Vision នៅថ្ងៃទី ០៣ ខែមិនា ឆ្នាំ ២០២២។ សិល្បករទោល Jessi ថ្មីៗនេះបានចុះកិច្ចសន្យាផ្តាច់មុខជាមួយផលិតកម្មរបស់លោក។ ពីមុន Jay គឺជាស្ថាបនិក និងជានាយកប្រតិបត្តិនៃស្លាកសញ្ញាឯករាជ្យពីរ ស្លាកតន្ត្រីហ៊ីបហប AOMG និង H1ghr Music ទោះយ៉ាងណានៅថ្ងៃទី ៣១ ខែធ្នូឆ្នាំ ២០២១ គាត់បានលាលែងពីតំណែងជានាយកប្រតិបត្តិនៃក្រុមហ៊ុនទាំងពីរ ប៉ុន្តែនៅតែជាទីប្រឹក្សា។
៥ Lee Seung-gi

Lee Seung-gi គឺជាតារាចម្រៀង អ្នកនិពន្ធបទចម្រៀង តារាសម្តែង ពិធីករ និងអ្នកកម្សាន្តរបស់កូរ៉េខាងត្បូង។ ក្រោមការដឹកនាំរបស់ Human Made គាត់គឺជាតារាដែលមានប្រាក់ខែខ្ពស់បំផុតរបស់កូរ៉េខាងត្បូង។ នៅថ្ងៃទី ០១ ខែមិថុនា ឆ្នាំ ២០២១ Lee Seung Gi បានបង្កើតក្រុមហ៊ុន Human Made សម្រាប់សកម្មភាពអនាគតរបស់គាត់។ កន្លងមកលោកជាសិល្បករមួយរូបក្រោមផលិតកម្ម Hook Entertainment ផងដែរ ៕
ប្រែសម្រួល៖ សាង ស្រីល័ក្ខ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ