BTS ត្រៀមនឹងចេញសៀវភៅផ្ទាល់ខ្លួន និយាយអំពីប្រវត្តិរបស់ពួកគេ

កាលពីថ្ងៃទី ១១ ខែឧសភា ការិយាល័យបោះពុម្ពផ្សាយសៀវភៅរបស់សហរដ្ឋអាមេរិក Flatiron Books បានប្រកាសថា BTS នឹងចេញសៀវភៅប្រាប់ពីរឿងរ៉ាវផ្ទាល់ខ្លួន និងប្រវត្តិរបស់ផលិតកម្មនៅក្នុងប្រទេសកូរ៉េខាងត្បូង និងសហរដ្ឋអាមេរិកនៅថ្ងៃទី ៩ ខែកក្កដា ។

សៀវភៅដែលមានចំណងជើងថា ‘Beyond The Story: 10-Year Record of BTS’ ត្រូវបានសរសេរដោយអ្នកកាសែត Kang Myeongseok និងសមាជិកក្រុម ហើយវានឹងបោះពុម្ពនៅប្រទេសកូរ៉េខាង ត្បូងដោយផលិតកម្ម BIGHIT Music ។ កាលបរិច្ឆេទនៃការចេញសៀវភៅនេះក៏នឹងត្រូវគ្នានឹងខួបគម្រប់ ១០ ឆ្នាំរបស់ Fandom ARMY (ដែលជាឈ្មោះអ្នកគាំទ្ររបស់ BTS) ។

យោងទៅតាមការិយាល័យបោះពុម្ពផ្សាយ Flatiron Books សម្រាប់ការបោះពុម្ពរបស់សហរដ្ឋអាមេរិកសៀវភៅនេះនឹងមានទំព័រចំនួន ៥៤៤ ទំព័រ និងរួមបញ្ចូលរូបថតផ្សេងទៀត សៀវភៅនេះក៏នឹង មានការបោះពុម្ពលើកដំបូងចំនួនមួយលានច្បាប់ផងដែរ។ ទន្ទឹមនឹងនោះ ក៏មានពាក្យចចាមអារ៉ាមមួយចំនួនពាក់ព័ន្ធការបញ្ជាទិញទិកមុនបានជួយឱ្យសៀវភៅនេះ បានឡើងលើបញ្ជីទំនិញលក់ដាច់បំផុតនៅលើ Amazon និង Barnes & Noble ។

ដោយឡែក ក្រុម BTS បានប្រកាសកាលពីខែមិថុនាឆ្នាំមុនថា ពួកគេឈប់សម្រាកដោយសារតែសម្ពាធ និងតម្រូវផ្តោតទៅលើសសកម្មភាពទោលរៀងៗខ្លួនវិញ។ ក្នុងនោះJin ជាសមាជិកដែលមានអាយុច្រើនជាងគេបានចូលបម្រើយោធាក្នុងខែធ្នូ ក៏ដូចជា J-Hope ជាសមាជិកទី២បានចូលបម្រើយោធាដូចគ្នាកាលពីខែមេសា ៕

ប្រែសម្រួល៖នាងតូច

ចុចអាន៖តារាប្រុស ៥ ដួង សុទ្ធតែមានងារជានាយកក្រុមហ៊ុនធំៗនៅកូរ៉េខាងត្បូង