ទើបតែដឹង Sofia Richie និង Meghan Markle ចូលចិត្តទឹកអប់ក្លិនដូចគ្នា

តារាម៉ូដែល Sofia Richie ដែលទើបនឹងរៀបការថ្មីថ្មោង បានចែករំលែកក្លិនទឹកអប់សំណព្វចិត្តរបស់នាងមួយម៉ាកគឺ Jo Malone ក្លិន Wood Sage & Sea Salt Cologne ដូច Meghan Markle មហេសីព្រះអង្គម្ចាស់ Harry ដែរ ។

ទឹកអប់នេះមាន ៣ ទំហំសម្រាប់ជ្រើសរើសដូចជា ៣០ មីលីលីត្រ តម្លៃ ៦៨.៥៤ ដុល្លារ ៥០ មីលីលីត្រ តម្លៃ ៩៧.២១ ដុល្លារ និង ១០០ មីលីលីត្រ តម្លៃ ១៣៧.០៩ ដុល្លារ ។ Sofia និយាយថា “វាក្រអូបណាស់ វាធ្វើឲ្យខ្ញុំមានអារម្មណ៍សុវត្ថិភាពនិងស្ងប់ស្ងាត់ដូចលំហែកាយនៅមាត់សមុទ្រ” ។

តាមពិតទៅ Richie ជាប់ចិត្តជាមួយ Jo malone ដំបូងគឺនៅផ្ទះឪពុកម្ដាយក្មេករបស់នាង ព្រោះពួកគាត់តែងតែដុតទានក្រអូប Jo malone នៅក្នុងផ្ទះរាល់ពេល Richie ទៅលេងជានិច្ច ។

ដោយឡែក Meghan មិនត្រឹមតែស្រលាញ់ក្លិនមួយនេះទេ ក្លិន Wild Bluebell Cologne  របស់ម៉ាក Jo Malone ក៏ជាសំណព្វចិត្តមិនចាញ់ Wood Sage & Sea Salt Cologne ប៉ុន្មានដែរ ។

នាងទម្លាយទៀតថា ទឹកអប់គឺជារបស់ដែលខ្លួនចូលចិត្តខ្លាំង ដល់ថ្នាក់ត្រលប់ទៅផ្ទះវិញដើម្បីបាញ់ទឹកអប់ បើភ្លេចបាញ់មុនចេញពីផ្ទះទៀតផង ៕

ប្រែសម្រួល ៖ វារី

ចុចអាន ៖ អ្នកផាត់មុខឲ្យតារាម៉ូដែលលំដាប់ពិភពលោក Gigi Hadid ទម្លាយក្លិនទឹកអប់ប្រចាំខ្លួនរបស់នាង