ជីវិតកម្សាន្ដ
តារាលំដាប់ពិភពលោក ៨ នាក់ ធ្លាប់ត្រូវគេផ្សព្វផ្សាយថា ស្លាប់ដោយមិនដឹងខ្លួន
ការមានឈ្មោះល្បីល្បាញមិនបាននាំមកនូវភាពល្អទាំងស្រុងឡើយ ទន្ទឹមនឹងការមានអ្នកគាំទ្រច្រើន ក៏មានអ្នកស្អប់មិនតិចដែរ ។ រហូតដល់តារាទាំង ៨ នាក់នេះធ្លាប់ត្រូវគេផ្សព្វផ្សាយថាស្លាប់ទាំងមិនដឹងខ្លួនទៀតផង ៖
១. The Rock
កាលពីកំពុងថតរឿង Furious 7 លោក Dwayne Johnson តារាសម្ដែងជនជាតិអាមេរិក ត្រូវគេរាយការណ៍ថា គាត់បានស្លាប់ខណៈពេលថតវគ្គបាញ់គ្នាខុសបច្ចេកទេស ។

២. Miley Cyrus
អ្នកចម្រៀង-និពន្ធបទភ្លេងជនជាតិអាមេរិក Miley Cyrus ឈ្មោះពិត Destiny ត្រូវសារព័ត៌មានមួយចុះក្នុងឆ្នាំ ២០១៦ ថា នាងបានស្លាប់នៅក្នុងអាងមុជទឹកព្រោះប្រើថ្នាំលើសកំណត់ ។

៣. Nicholas Cage
ក្នុងឆ្នាំ ២០១៦ ដូចគ្នា មានអត្ថបទមួយចុះថាលោក Nicholas Cage តារាសម្ដែងជនជាតិអាមេរិកបានស្លាប់ដោយសារគ្រោះថ្នាក់ចរាចរណ៍ធ្ងន់ធ្ងរពេលជិះម៉ូតូ ។

៤. Jack Black
ឆ្នាំ ២០១៦ ដដែលនោះ ផេក Twitter របស់ក្រុមតន្ត្រីលោក Jack ឈ្មោះ Tenacious D ត្រូវបានគេ Hack ដើម្បីបំផុសបំផុលព័ត៌មានរឿង Jack Black ស្លាប់ដោយគ្មានមូលហេតុ ។

៥. Arnold Schwarzenegger
លោក Arnold គឺជាកូនកាត់អូទ្រីស-អាមេរិក ធ្លាប់មានអាជីពជាតារាសម្ដែង អ្នកជំនួញ ផលិតករភាពយន្ត អ្នកហាត់កាយវប្បកម្ម និងអ្នកនយោបាយ ។ គាត់ត្រូវគេរាយការណ៍ថា បានបាត់បង់ជីវិតដោយសារគាំងបេះដូងក្នុងថ្ងៃទី ២៨ ខែសីហា ឆ្នាំ ២០១៥ ។

៦. Vin Diesel
កាលពីឆ្នាំ ២០១៤ មានលីងដ៏ពេញនិយមមួយក្នុងអ៊ីនធឺណិត អ្នកដែលចុចលីងនោះនឹងផ្ញើសាររឿង Vin Diesel ស្លាប់ទៅគ្រប់គ្នាក្នុងបញ្ជីមិត្តភ័ក្ដិដោយស្វ័យប្រវត្តិ ។

៧. Martin Lawrence
មានសារព័ត៌មានល្បីមួយបានផ្សព្វផ្សាយថា តារាកំប្លែងអាមេរិក Martin Lawrence ត្រូវអ្នករៀបចំបន្ទប់សណ្ឋាគារប្រទះឃើញដេកស្លាប់នៅខែមេសា ឆ្នាំ ២០១៥ យ៉ាងណាគាត់មិនខ្វល់ពីព័ត៌មានក្លែងក្លាយនោះសូម្បីបន្តិច ។

៨. Adam Sandler

ក្នុងឆ្នាំ ២០១៧ មានពាក្យចចាមអារ៉ាមថា តារាកំប្លែងអាមេរិក Adam Sandler បានសម្លាប់ខ្លួននៅក្នុងផ្ទះ ថែមទាំងពន្លើសទៀតថា “អធិការដ្ឋាននគរបាលស្រុកម៉ារីន” ជាអ្នកផ្ដល់ព័ត៌មាន ៕
ប្រែសម្រួល ៖ វារី
ចុចអាន ៖ តារាអន្តរជាតិ ៨ គូ ជាមិត្តភ័ក្ដិនឹងគ្នាតាំងពីនៅរៀនវិទ្យាល័យ

-
ព័ត៌មានអន្ដរជាតិ២១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ