រកឃើញសាកសពតារាចម្រៀងកូរ៉េ Haesoo នៅក្នុងបន្ទប់សណ្ឋាគារ មិនទាន់ដឹងមូលហេតុស្លាប់

ប្រព័ន្ធផ្សព្វផ្សាយក្នុងស្រុកបានរាយការណ៍ថា ​តារា​ចម្រៀងកូរ៉េខាងត្បូង Haesoo ​បាន​ទទួល​មរណភាពហើយ ​ក្នុង​វ័យ ២៩ឆ្នាំ ខណៈមូលហេតុពិតប្រាកដ មិនទាន់បានទម្លាយនៅឡើយ។

តាមពិតមុនដំណឹងមរណភាពពីព្រឹកមិញនេះ គឺកាលពីថ្ងៃទី១៣ ខែឧសភា ប៉ូលិសបានរកឃើញសាកសពរបស់ Haesoo នៅក្នុងបន្ទប់សណ្ឋាគារដែលនាងបានជួល។ ប៉ុន្តែពេលនោះប៉ូលិសមិនបានប្រកាសជាសាធារណៈ និងបានលាក់អត្តសញ្ញាណជនរងគ្រោះ។ ក្នុងពេលជាមួយគ្នា​នោះ ប៉ូលិស​បាន​រក​ឃើញ​សំបុត្រ​ដែល​សរសេរ​ដោយដៃមួយច្បាប់ ប៉ុន្តែប៉ូលិសបញ្ជាក់ថា ពុំមានអ្វី​គួរឱ្យស​សង្ស័យ​​ឡើយ។

លុះដល់ថ្ងៃទី១៥ ខែឧសភា ឆ្នាំ២០២៣នេះ បណ្ដាញសារព័ត៌មាន YTN បានប្រកាសថា ការសម្តែងរបស់ Haesoo ក្នុងពិធីបុណ្យមួយ នាថ្ងៃទី២០ ខែឧសភាខាងមុខ នឹងត្រូវលុបចោល ព្រោះគ្មានអវត្តមានរបស់នាងនោះទេ ដោយសារតែនាងបានទទួលមរណភាពទៅហើយ។

បច្ចុប្បន្ន មរណភាពរបស់ Haesoo ពុំមានសាច់ញាតិ ឬប៉ូលិស បញ្ជាក់ច្បាស់ពីមូលហេតុនៃការសា្លប់នោះទេ។

គួរបញ្ជាក់ថា Haesoo បានចេញមុខក្នុងពិភពតន្ត្រី​ដំបូង​នា​ឆ្នាំ២០១៩ ហើយ​បាន​ទទួល​អ្នក​គាំទ្រ​ជា​លំដាប់​ តាម​រយៈ​អាល់​ប៊ុម​ទោល​របស់​នាង​ដែល​មាន​ចំណង​ជើង​ថា My Life, I Will (내 인생 내가)។ នាងកាន់តែទទួលបានភាពល្បីល្បាញតាមរយៈការបង្ហាញខ្លួននៅក្នុងកម្មវិធី The Trot Show, AM Plaza និង Gayo Stage ៕

ប្រែសម្រួល៖ សន្យា

ចុចអាន៖ តារាប្រុស ៥ ដួង សុទ្ធតែមានងារជានាយកក្រុមហ៊ុនធំៗនៅកូរ៉េខាងត្បូង